უახლესი ამბები
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
ეკონომიკა
აიკრძალება ისეთი სესხის გაცემა, როცა მსესხებელი/თანამსესხებელი ძირს მხოლოდ ვადის ბოლოს იხდის - ეროვნული ბანკის პროექტი
სესხის გამცემ კომპანიებს მოქალეებზე ისეთი სესხის/კრედიტის გაცემა აეკრძალებათ, როცა მსესხებელს/თანამსესხებელს მხოლოდ დარიცხული პროცენტის გადახდა უწევს, ხოლო სესხის/კრედიტის ძირს ან მის მნიშვნელოვან ნაწილს ვადის ბოლოს ფარავს.
ამ აკრძალვას ფიზიკურ პირებზე სესხების გაცემის შესახებ დებულების პროექტი ითვალისწინებს, რომელიც ეროვნულმა ბანკმა გამოაქვეყნა. დოკუმენტი ჯერ განხილვის პროცესშია და ის, შესაძლოა, შინაარსობრივად და ტექნიკურად შეიცვალოს.
პროექტის თანახმად, სასურველია, რომ სესხის/კრედიტის ძირის გადახდა მსესხებლის/ თანამსესხებლის შემოსავლებზე მორგებული გონივრულად შედგენილი გრაფიკის მიხედვით ხდებოდეს.
აღნიშნული შეზღუდვა არ ვრცელდება მაშინ, როცა საშეღავათო პერიოდი არ აღემატება ექვს თვეს იპოთეკურის, ხოლო სამ თვეს სხვა ტიპის სესხების/კრედიტების შემთხვევაში, სესხის მოქმედების განმავლობაში.
გარდა ამისა, სესხის გამცემმა ორგანიზაციამ სესხის/კრედიტის დამუშავებისას უნდა გაითვალისწინოს სავალუტო რისკები, ისეთი შემთხვევები, როდესაც მსესხებელს შემოსავალი სხვა ვალუტაში აქვს, ხოლო კრედიტი სხვა ვალუტაში, ასევე როდესაც სესხზე ცვლადი საპროცენტო განაკვეთი მოქმედებს.
აკრძალვები და მოთხოვნები სესხის გამცემი ორგანიზაციების მიმართ ითვალისწინებს იმას, რომ მოქალაქის გადახდისუნარიანობის სრულფასოვანი ანალიზისას და სესხის/კრედიტის გაცემაზე დადებითი გადაწყვეტილების მიღებისას მსესხებელს/თანამსესხებელს უნდა შეეძლოს თავისი ჯამური ვალდებულებების შესრულება ჭარბვალიანობის გარეშე.
ამასთან, მსესხებლის/თანამსესხებლის ყოველთვიურ წმინდა შემოსავლებსა და გადასახდელებს შორის სხვაობა საოჯახო მეურნეობის საარსებო მინიმუმს უნდა აღემატებოდეს.
ეროვნული ბანკის პროექტით, სესხის გამცემ ორგანიზაციებს შეზღუდვები უწესდება. მათთვის დაუშვებელი იქნება სესხის/კრედიტის გაცემა მსესხებლის/თანამსესხებლის გადახდისუნარიანობის სრულფასოვანი შესწავლის გარეშე.
საფინანსო ინსტიტუტებსა და დაინტერესებულ პირებს პროექტის შესახებ ეროვნულ ბანკში საკუთარი მოსაზრებების წარდგენა სექტემბრამდე შეუძლიათ. ახალი რეგულაციები საფინანსო ინსტიტუტებისთვის 2019 წლის პირველი იანვრიდან ამოქმედდება. რეგულაციები გავრცელდება ნებისმიერ მეწარმე სუბიექტზე, რომლის მიმართ ერთდროულად 20-ზე მეტ ფიზიკურ პირს აქვს სასესხო/საკრედიტო ვალდებულება.