ეკონომიკა

აჟიოტაჟი ძალიან მალე ჩაცხრება და დასტაბილურდება ლარი - ზვიად ძიძიგური

პარლამენტის ვიცე-სპიკერის, ზვიად ძიძიგურის განცხადებით, ეროვნულ ვალუტასთან დაკავშირებული აჟიოტაჟი მალე ჩაცხრება და ლარი დასტაბილურდება.

“ეს აჟიოტაჟი ძალიან მალე ჩაცხრება და დასტაბილურდება ლარი. მთავრობა ძალიან მნიშვნელოვანი და სერიოზული ღონისძიებებით წარსდგა პარლამენტის წინაშე და ჩვენც მივიღებთ მონაწილეობას, რომ ლარის დასტაბილურებას შევუწყოთ ხელი. ვფიქრობ, განგაშის საფუძველი არ გვაქვს და არც გვექნება მომავალში. შარშანაც იყო ასეთი აჟიოტაჟი და ვინც ლარი დოლარზე გადაახურდავა, დაზარალდა. მინდა, მოსახლეობას მოვუწოდო, რომ ამ აჟიოტაჟს არ აყვნენ”, –განაცხადა ზვიად ძიძიგურმა.

ეორვნული ბანკის მიერ დაწესებული იფიციალური გაცვლითი კურსის მიხედვით, 1 ამერიკული დოლარი - 2,53 ლარი ღირს.

თუმცა, ვალუტის გაცვლის ჯიხურებში ლარის ღირებულება 2,60 ლარს აღემატება.

მონიკა დავლიანიძე