უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
პოლიტიკა
ახალ საბჭოში სასამართლოს თავმჯდომარეების არჩევის ფორმატი უფრო ღია და საჯარო გავხადეთ - ნინო გვენეტაძე
საქართველოს უზენაესი სასამართლოს თავმჯდომარე, ნინო გვენეტაძე არასამთავრობო სექტორის განცხადებას გამოეხმაურა, რომლის თანახმად, სასამართლოს თავმჯდომარეები არა იუსტიციის უმაღლესმა საბჭომ უნდა დანიშნოს, არამედ მოსამართლეებმა.
გვენეტაძის თქმით, ახალი საბჭოს პირობებში სასამართლოს თავმჯდომარეების არჩევა უფრო ღია და საჯარო გახდა.
„ჩვენ წინა საბჭოს მუშაობის პერიოდში სასამართლოს არაერთი თავმჯდომარე დავნიშნეთ, თუმცა ახალ საბჭოში ფორმატი უფრო ღია და საჯარო გავხადეთ. კანდიდატი, რომელსაც საბჭოს წევრი უწევს რეკომენდაციას, ყოველთვის შეთანხმებულია იმ სასამართლოსთან, საიდანაც ხდება თავმჯდომარის კანდიდატურის წარმოდგენა საბჭოზე. თუ პროცედურებში არის რაიმე გასარკვევი, ჩვენ მზად ვართ, რომ ისინი დავხვეწოთ“,- განაცხადა გვენეტაძემ.
უზენაესი სასამართლოს თავმჯდომარის თქმით, სასამართლო თავმჯდომარეების არჩევისას საბჭო ითვალისწინებს მოსამართლეების აზრსაც.
„მართალია, კანონის ჩანაწერი არ არსებობს, რომ მოსამართლეებმა სასამართლოს შიგნით მოახდინონ არჩევა, მაგრამ სრული პასუხისმგებლობით მინდა განვაცხადო, რომ საბჭომ სწორედ ამ მოდელზე დაყრდნობით მიიღო გადაწყვეტილება თავმჯდომარეებთან დაკავშირებით. კერძოდ, თავმჯდომარეები ყოველთვის საბჭოს კონკრეტული წევრის მიერ იყვნენ წარდგენილი, ჩვენ მათ პროგრამას ვიცნობდით, ვსვამდით კითხვებს და სხვათაშორის კრიტიკულ პოზიციებზეც იყო გახსნილი საუბარი. ამის შემდეგ საბჭო იღებდა გადაწყვეტილებას“, - განცხადა გვენეტაძემ.