უკან

უახლესი ამბები

დღის კალენდარი

ანონსები

არქივი

სამართალი

12 ოქტომბერი, 2017 17:30
font-size

„ახალგაზრდა ადვოკატები“ – მოწმეებმა დაადასტურეს, რომ თემურ ბასილიას წინააღმდეგ სამხილების შეგროვების ბრძანება თათბირზე ზურაბ ადეიშვილმა გასცა

თბილისის სააპელაციო სასამართლოს სისხლის სამართლის საქმეთა პალატამ საქართველოს ყოფილი ვიცე-პრემიერისა და პრეზიდენტის ყოფილი თანაშემწის თემურ ბასილიას საქმეზე 2008 წლის 28 ოქტომბრის განაჩენის გადახედვის პროცესი განაახლა.

სასამართლომ სხდომაზე მთავარი პროკურატურის 4 მოწმე დაკითხა, რომლებმაც გამოძიების ეტაპზეც დაადასტურეს, რომ თემურ ბასილიას მიმართ, წინა ხელისუფლების წარმომადგენლების დავალების შესაბამისად, განხორციელდა უკანონო დევნა და ბრალდება.

სასამართლოს დღევანდელ სხდომაზე, ერთ-ერთმა მოწმემ გაიხსენა საქმესთან დაკავშირებით მნიშვნელოვანი ეპიზოდი, როდესაც ყოფილმა მთავარმა პროკურორმა, ზურაბ ადეიშვილმა სპეციალური თათბირი მოიწვია და გასცა დავალება, თემურ ბასილიას მიმართ სამართლებრივი დევნის დაწყებისთვის, სამხილები მოემზადებინათ. ამასთან, მოწმეებმა ისაუბრეს თემურ ბასილიას და ს.ს. „ინტელექტბანკის“ კავშირებზე და გამორიცხეს თემურ ბასილიას მხრიდან ბანკის საქმიანობის ფარული მხარდაჭერა და მფარველობა, რომელსაც თემურ ბასილიას მაშინდელი პროკურატურა ედავებოდა. შესაბამისად, მსჯავრდებაც სწორედ ამ პოლიტიკურად მოტივირებულ პოზიციებს დაეყრდნო. ამასთან, მოწმეებმა გაიხსენეს ეპიზოდი, როდესაც მაშინდელი პროკურატურის წარმომადგენლების დავალებით სს ,,ინტელექტბანკის“ გენერალურ დირექტორ გოგი სალიას სასჯელაღსრულების ადმინისტარციულ შენობაში შეხვდნენ და მიაწოდეს ინფორმაცია, რომ თუკი თემურ ბასილიას მიმართ მამხილებელ ჩვენებას მისცემდნენ, როგორც იმჟამად პატიმრობაში მყოფი გოგი სალია, ასევე ცენტრალური ფილიალის მმართველი ლევან კვირიკაშვილი, მათი პატიმრობიდან გათავისუფლებაც დაჩქარდებოდა. მოწმეებმა, საქმესთან დაკავშირებით, აგრეთვე, უპასუხეს სასამართლოს, პროკურატურისა და დაცვის მხარის წარმოამდგენლების შეკითხვებსაც.

როგორც საზოგადოებისთვის ცნობილია, მთავარი პროკურატურის ახალი გამოძიების პირობებში დადგინდა, რომ 2006 წლის 25 თებერვალს, გენერალური პროკურატურის მიერ თაღლითობის და დოკუმენტის გაყალბებისთვის დაკავებული იყო სს ,,ინტელექტბანკი“-ს გენერალური დირექტორი გოგი სალია და ცენტრალური ფილიალის მმართველი ლევან კვირიკაშვილი. მაშინდელ პროკურატურას სურდა დანაშაულში გამოევლინა პრეზიდენტ ედუარდ შევარდნაძის ყოფილი თანაშემწე თემურ ბასილია, რომელიც დაპირისპირებული იყო იმჟამინდელ ხელისუფლებასთან. ამ მიზნით, პროკურატურის ხელმძღვანელი პირების ორგანიზებით, საპატიმრო დაწესებულებაში, ფარულად, კანონდარღვევით შეიყვანეს ,,ინტელექტბანკის“ აქციონერები, რომლებმაც პატიმარ გოგი სალიას და ლევან კვირიკაშვილს გადასცეს პროკურატურის კატეგორიული მოთხოვნა, რომ ხელი მოეწერათ იმ ჩვენებაზე, რომელსაც მათ გამოძიება წარუდგენდა, თითქოსდა თემურ ბასილია ,,ინტელექტბანკისთვის“ დახმარების აღმოჩენის სანაცვლოდ, ბანკისგან ქრთამის სახით იღებდა ფულად თანხებს. პროკურატურისთვის ასეთი ჩვენების მიცემის შემთხვევაში კი მათი საქმე დადებითად გადაწყდებოდა და ისინი საპროცესო შეთანხმების საფუძველზე დატოვებდნენ საპატიმრო დაწესებულებას. პროკურატურის მიერ ასეთი მეთოდებით ყალბი ჩვენების მიღების შემდეგ, თემურ ბასილია უკანონოდ იქნა მსჯავრდებული.

თბილისის სააპელაციო სასამართლოს სისხლის სამართლის პალატამ 14 სექტემბრის სხდომაზე გაიზიარა თემურ ბასილიას ინტერესების დამცველთა შუამდგომლობა და სისხლის სამართლის საქმეს, ინფორმაციის სახით დაურთო დამატებითი მასალები. კერძოდ, 2009 წელს პრეზიდენტ მიხელ სააკაშვილის საჯარო გამოსვლა ქ. ფოთში და საქართველოს პარლამენტში, 2010 წელს ქართული ტელევიზიების მხრიდან მომზადებული სიუჟეტების კრებული, თემურ ბასილიას უცხოეთში თითქოსდა დაკავებისა და საქართველოში ექსტრადიციის თაობაზე, საერთაშორისო ორგანიზაციების, მათ შორის გაერო-ს ცენტრალური აზიის გენერალური მენეჯერის წერილი თემურ ბასილიას უკანონო დევნის შესახებ და სხვა. თემურ ბასილიას ინტერესების დამცველთა განცხადებით, წარმოდგენილი მასალიდან ჩანს, თუ სხვდასხვა მედია საშუალებებსა და ტელეგადაცემებში, როგორი უსაფუძვლო და ცილისმწამებლური კამპანია მიმდინარეობდა თემურ ბასილიას წინააღმდეგ, მათ შორისა ყოფილი პრეზიდენტ მიხეილ სააკაშვილის გამოსვლების და მისი უშუალო მითითებების საფუძველზე. ცნობისთვის: 2011 წლის 26 მაისს, ამერიკის შეერთებული შტატების ხელისუფლებამ თემურ ბასილიას მიანიჭა პოლიტიკური დევნილის სტატუსი.

თბილისის სააპელაციო სასამართლო თემურ ბასილიას საქმეს მოსამართლეების: მაია ხოლოაშვილი (თავმჯდომარე), შორენა ყაველაშვილი და მზია ლომთათიძე შემადგენლობით განიხილავს. საქმე აღნიშნულ კოლეგიას მას შემდეგ გადაეცა, რაც საქართველოს უზენაესი სასამართლომ თემურ ბასილიას ბრალდების გადახედვის თაობაზე განჩინება მიიღო. მანამდე, 2017 წლის 27 იანვარს, მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტმა მიიღო დადგენილება „მსჯავრდებულის მიმართ სისხლის სამართლის წარმოების პროცესში მისი უფლების არსებითი დარღვევის შესახებ“, რომლითაც თემურ ბასილია, წინა ხელისუფლების პირობებში წარდგენილ ბრალდებაში, უდანაშაულოდ იქნა ცნობილი.

თემურ ბასილიას კანონიერ ინტერესებს, ადვოკატები: არჩილ კაიკაციშვილი და გია ტაბლიაშვილი წარმოადგენს, ხოლო საქართველოს პროკურატურის პოზიციას პროკურორები: გიორგი მიქავა და ანრი არსენიშვილი წარმოადგენენ. საქმეზე მომდევნო სხდომა 2017 წლის 9 ნოემბერს, 12:00 საათზე განახლდება, სადაც საქმეზე მთავარი პროკურატურის მთავარი მოწმეები დაიკითხებიან.

საფრანგეთში ქართველი რეპერი კახა აბუაშვილი, იგივე „კაბუ“ დააკავეს

18 აპრილი, 2018 , 12:50

საფრანგეთში ქართველი რეპერი კახა აბუაშვილი, იგივე „კაბუ“ დააკავეს. ინფორმაცია ამის შესახებ შინაგან საქმეთა სამინისტროში გამართულ ბრიფინგზე გავრცელდა. კახა აბუაშვილთან ერთად დააკავეს საქართველოს სხვა მოქალაქეე

ევროპაში ქართველი ე.წ. „კანონიერი ქურდები“ და ქართული კრიმინალური დაჯგუფების წევრები დააკავეს

18 აპრილი, 2018 , 12:40

შინაგან საქმეთა სამინისტროში ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსის - მამუკა ჭელიძის ბრიფინგი გაიმართა. მისი განცხადებით, ევროპოლთან დაწყებული ეფექტიანი

თბილისში 33 520 ღერი უაქციზო სიგარეტის ტრანსპორტირების ფაქტი გამოვლინდა

18 აპრილი, 2018 , 12:10

17 აპრილს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს აღმოსავლეთის განყოფილების თანამშრომლებმა, თბილისში განხორციელებული სასაქონლო ზედნადების მონიტორინგ

საია ლაშა კაციასათვის დაზარალებულის სტატუსის მინიჭებას მოითხოვს

18 აპრილი, 2018 , 12:10

დღეს საქართველოს ახალგაზრდა იურისტთა ასოციაციამ (საია) ლაშა კაციას სახელით საჩივრით მიმართა თბილისის პროკურატურას, რომლითაც ითხოვს მისთვის დაზარალებულის სტატუსის მინიჭებას. როგორც საია-ში განმარტავენ, საჩივრით მიმართვა ს

ადამიანის უფლებათა ცენტრი პოლიციელთა მხრიდან უფლებამოსილების გადამეტების ფაქტის დროულ გამოძიებას მოითხოვს

18 აპრილი, 2018 , 12:10

ხვალ, 19 აპრილს, 10:30 საათზე, ადამიანის უფლებათა ცენტრის იურისტები, თბილისის ადამიანის უფლებათა სახლის საკონფერენციო დარბაზში, პოლიციელთა მხრიდან უფლებამოსილების გადამეტების ფაქტებზე პრესკონფერენციას გამართავენ. ადამიან

პოლიციას არ ჰქონდა ინფორმაცია, რომ შესაძლოა ეს ადამიანები სამომავლოდ რაიმე ტიპის ძალადობის მსხვერპლები გამხდარიყვნენ - ნათია მეზვრიშვილი

18 აპრილი, 2018 , 11:25

ნათია მეზვრიშვილმა ტელეკომპანია “იმედში”, გადაცემა „პირისპირ“ ,ისაუბრა ბარნოვის ქუჩაზე მომხდარი მკვლელობის ფაქტის შესახებ. „სამწუხარო ფაქტი მოხდა. ბოლო პერიოდში ისმის კითხვა, ამ კონკრეტულ ფა

ვიდეო გალერეა

ინტერვიუ ვანიჩკასთან - ნატო ჩხეიძე