უკან

უახლესი ამბები

დღის კალენდარი

ანონსები

არქივი

სამართალი

14 ივნისი, 2017 14:30
font-size

„ახალგაზრდა ადვოკატები“ პროკურატურისგან ავტოფარეხის საქმეზე, გიორგი პაპუაშვილის დაკითხვას და როლანდ ბლადაძის დაზარალებულად ცნობას მოითხოვს

ორგანიზაცია „ახალგაზრდა ადვოკატები“ აჭარის ა/რ პროკურატურას მიმართავს, საქართველოს საკონსტიტუციო სასამართლოს ყოფილი თავმჯდომარე გიორგი პაპუაშვილის მიერ მოქალაქე როლანდ ბლადაძის მფლობელობაში არსებული ავტოფარეხის მისაკუთრების ფაქტზე წარმოებულ სისხლის სამართლის საქმეზე, შემაჯამებელი გადაწყვეტილება გიორგი პაპუაშვილის მოწმის სახით დაკითხვის გარეშე არ მიიღოს.

აღნიშნულის შესახებ ორგანიზაცია „ახალგაზრდა ადვოკატების“ სპეციალურ განცხადებაშია ნათქვამი.

„ახალგაზრდა ადვოკატების“ შეფასებით, საქმეში არსებული მტკიცებულებები და მოწმეთა ჩვენებები, სრულ საფუძველს იძლევა, გიორგი პაპუაშვილის მიმართ გამოძიება კონკრეტული კითხვებით დაინტერესდეს. მოცემულ შემთხვევაში, აჭარის ა/რ პროკურატურა არ განმარტავს, რა საფუძვლებით არ ხდება გიორგი პაპუაშვილის მოწმის სახით დაბარება და დაკითხვა. თუკი საგამოძიებო უწყება ასეთ ღონისძიებას საქმისწარმოების დროს არ მიმართავდა, ვინაიდან გიორგი პაპუაშვილის მოწმის სახით დაბარება არ აღქმულიყო სასამართლოს თავმჯდომარის მიმართ რაიმე ფორმით უხერხულობის შემქმნელ გარემოებად, დღეს საგამოძიებო ორგანომ კანონის წინაშე ყველას თანასწორუფლებიანო დამოკიდებულების პრინციპი არ უნდა დაარღვიოს. ამასთან, ორგანიზაცია მოითხოვს, როლანდ ბლადაძე მიენიჭოს დაზარალებულის სტატუსი, ვინაიდან საქმეზე უკვე შემაჯამებელი გადაწყვეტილებაა მისაღები და როლანდ ბლადაძეს სრული უფლება აქვს სამოქალაქო სასამართლოს გზით იდავოს ზიანის ანაზღაურებაზე.

ორგანიზაციის განცხადებით, საზოგადოებისთვის ცნობილია, რომ აჭარის ა/რ პროკურატურაში 2013 წლის 5 ივლისიდან მიმდინარეობს გამოძიება სისხლის სამართლის კოდექსის 180-ე მუხლით გათვალისწინებულ დანაშაულზე. საქმე ეხება გიორგი პაპუაშვილის მხრიდან როლანდ ბლადაძის მიმართ დაშვებულ კიდევ ერთ კანონშეუსაბამო ქმედებას. კერძოდ, 2010 წლის მარტში, გიორგი პაპუაშვილს საკუთრების უფლება წარმოეშვა როლანდ ბლადაძის მფლობელობაში არსებულ ავტოფარეხზე, რომლის გასხვისებაც, არც 2007 წლის სახელმწიფოსთან დადებული ნასყიდობის ხელშეკრულებით და არც სხვა იურიდიული დოკუმენტაციით, დადასტურებული არ იყო. გიორგი პაპუაშვილის მოთხოვნით, 2009 წლის 18 დეკემბერს გაიმართა ბინათმესაკუთრეთა ამხანაგობის საერთო კრება, რომელმაც დღის წესრიგით განიხილა ერთადერთი საკითხი - გიორგი პაპუაშვილისთვის დამხმარე ნაგებობების საკუთრებაში გადაცემის თაობაზე. საერთო კრების გადაწყვეტილებით, მომზადდა მიმართვა საჯარო რეესტრის ეროვნული სააგენტოს ბათუმის სარეგისტრაციო სამსახურის მიმართ, რათა გიორგი პაპუაშვილის საკუთრებაში აღრიცხულიყო ბათუმში, ზ. გორგილაძის ქუჩა #37-ში მდებარე დამხმარე ნაგებობა - სამეურნეო სათავსო და გარაჟი, 35,63 კვ.მ ოდენობით. ბინათმესაკუთრეთა ამხანაგობა არ იყო უფლებამოსილი, განეხილა და მიეღო გადაწყვეტილება გიორგი პაპუაშვილისთვის ავტოფარეხის საკუთრებაში გადაცემის შესახებ. მეტიც, ავტოფარეხი არ წარმოადგენდა საერთო საკუთრებას. 2000 წლის 11 სექტემბრის ქ. ბათუმის მერიის ტექნიკური კომისიის ოქმის გადაწყვეტილებით, ავტოფარეხი გატარდა როლანდ ბლადაძის მფლობელობაში. შესაბამისად, აღნიშნული დოკუმენტით, მხოლოდ როლანდ ბლადაძე ითვლებოდა მის მართლზომიერ მფლობელად. ამიტომაც, ბინათმესაკუთრეთა ამხანაგობა უფლებამოსილი არ იყო, განეხილა ავტოფარეხის გიორგი პაპუაშვილისთვის მიკუთვნების საკითხი, თუმცა დოკუმენტებით ჩანს, რომ აღნიშნული მოქმედებებით, სახელმწიფომაც როლანდ ბლადაძის მიმართ, მორიგი უკანონო ქმედება განახორციელა.

ორგანიზაცია ყურადღებას ამახვილებს იმ ფაქტზეც, რომ საქმეში არსებობს ამხანაგობის თავმჯდომარის ჩვენება. კერძოდ, მიუხედავად მისი განცხადებისა, რომ ავტოფარეხი როლანდ ბლადაძის საკუთრება იყო, იგი გიორგი პაპუაშვილის დაცვის უფროსმა მიიყვანა მაშინდელ გამგებელთან, სადაც გამზადებული დახვდა ოქმი ავტოფარეხის გიორგი პაპუაშვილისთვის გადაცემის შესახებ. ამხანაგობის თავმჯდომარეს, ზემოქმედების ქვეშ მოუხდა ოქმზე ხელის მოწერა და აღნიშნული ხელმოწერა დადასტურდა ნოტარიუსის მიერ. ამასთან, ირკვევა, რომ საჯარო რეესტრის ეროვნული ბიუროს არქივში აღარ მოიპვება ავტოფარეხზე როლანდ ბლადაძის საკუთრების უფლებადამდგენი დოკუმენტები. ამჟამად გვხდება მხოლოდ შემდეგი ჩანაწერი: „აღნიშნული გადაწყვეტილების საფუძველზე, სამართლებრივ რეგისტრაციაში გატარდა ერას ქუჩა #37-ში მდებარე რ. ბლადაძის ავტოფარეხი, რომელიც საარქივო მასალებში არ ინახება“, რაც ცალკე დანაშაულის ნიშნებს ატარებს.

„ახალგაზრდა ადვოკატები“ შევნიშნავთ, რომ ქ. ბათუმში, 2012 წელს, ერას ქუჩა #37-ში განხორციელდა ავტოფარეხებისა და დამხმარე სათავსოების დემონტაჟი. მათ შორის მოექცა გიორგი პაპუაშვილის სახელზე გაფორმებული ავტოფარეხიც. როლანდ ბლადაძის კანონიერი ინტერესების დამცველებმა, 2013 წლის ივნისში, შეძლეს ბათუმის მერიის ზედამხედველობის სამსახურიდან ოფიციალური დოკუმენტის მიღება, რომლის მიხედვითაც დემონტირებული ავტოფარეხის სანაცვლოდ, გიოორგი პაპუაშვილმა კომპენსაციის სახით მოითხოვა და მიიღო 3565 ლარი.

ცნობისთვის: როლანდ ბლადაძემ კიდევ ერთი ქონების - ავტოფარეხის უკანონოდ მითვისების საქმეზე, პროკურატურას 2013 წლის იანვარში მიმართა. აჭარის ა/რ პროკურატურის 2017 წლის 15 მაისის წერილით, პროკურატურა საქმეზე შემაჯამებელი გადაწყვეტილებისთვის ემზადება.

ჩვენი მანდატის ფარგლებში რაც გადავამოწმეთ ინფორმაცია, ეს ინფორმაცია დადასტურდა - ირმა პავლიაშვილი ყალბ პირადობებზე

21 ნოემბერი, 2018 , 13:50

მთავარ პროკურატურაში გუშინ გავრცელებულ ინფორმაციასთან დაკავშირებით, საია-ს აღმასრულებელი დირექტორის, ირმა პავლიაშვილის გამოკითხვა მიმდინარეობს. როგორც ირმა პავლიაშვილმა განაცხადა, გუშინ მათ წარმოადგინეს მათ ხელთ არსებული

პროკურატურაში ეკა გიგაურის გამოკითხვა მიმდინარეობს

21 ნოემბერი, 2018 , 13:15

მთავარ პროკურატურაში „საერთაშორისო გამჭვირვალობა - საქართველოს“ აღმასრულებელი დირექტორის, ეკა გიგაურის გამოკითხვა მიმდინარეობს. მასთან ერთად ადვოკატის სტატუსით გამოკითხვაზე იმყოფება ასევე მესამე სექტორის წარმ

ყალბი პირადობის მოწმობების შესაძლო დამზადების შესახებ არასამთავრობო ორგანიზაციების გავრცელებულ ინფორმაციაზე პროკურატურამ გამოძიება დაიწყო

20 ნოემბერი, 2018 , 17:37

გასაღების ან გამოყენების მიზნით ყალბი პირადობის მოწმობების შესაძლო დამზადების ფაქტზე არასამთავრობო ორგანიზაციების მიერ გავრცელებულ ინფორმაციაზე მთავარ პროკურატურაში გამოძიება დაიწყო. პროკურატურის ცნობით, საგამოძიებო უწყე

პროკურატურის შუამდგომლობით ორი მსჯავრდებულის საქმე გადაისინჯება, ერთ დაზარალებულს კი უძრავი ქონება დაუბრუნდება

20 ნოემბერი, 2018 , 15:40

საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის მორიგი შემაჯამებელი გადაწყვეტილებების შედეგად პოლიტპატიმარ მერაბ რატიშვილის საქმე გადაისინჯება, ასევე განაჩენის გად

პოლიციამ რუსთავში სწრაფი ჩარიცხვის აპარატის გაქურდვის მცდელობის ბრალდებით 2 პირი დააკავა

20 ნოემბერი, 2018 , 15:10

შინაგან საქმეთა სამინისტროს ქვემო ქართლის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, სწრაფი ჩარიცხვის აპარატის გაქურდვის მცდელობის ბრალდებით, წარსულში ნასამართლევი და ამჟამად პირ

სუს-მა საკრებულოს ყოფილი დეპუტატის მიერ ქრთამის აღების ამსახველი ვიდეოჩანაწერი გაასაჯაროვა

20 ნოემბერი, 2018 , 12:25

სახელმწიფო უსაფრთხოების სამსახურმა თბილისის საკრებულოს ყოფილი დეპუტატის, თემურ გორგაძის მიერ ქრთამის აღების ამსახველი ვიდეომასალა გაასაჯაროვა. უწყების განმარტებით, საქმის ერთ-ერთ მტკიცებულებაში გორგაძის დანაშაულებრივი ქმ