უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
სამართალი
„ახალგაზრდა ადვოკატებმა“ „ლაზიკა კაპიტალის“ საქმეზე საგამოძიებო მოქმედებების შესახებ ინფორმაცია საერთაშორისო ორგანიზაციებსა და დიპლომატიურ კორპუსს მიაწოდა
ორგანიზაცია „ახალგაზრდა ადვოკატებმა“ მიკროსაფინასო ორგანიზაცია „ლაზიკა კაპიტალის“ საქმეზე მიმდინარე სამართალწარმოების პროცესის შესახებ შუალედური ანგარიში საერთაშორისო ორგანიზაციებსა და დიპლომატიურ კორპუსს მიაწოდა. ანგარიში და საქმეზე გამოქვეყნებული კვლევის შედეგები მიეწოდათ საქართველოში დიპლომატიურ კორპუსს (ევროკავშირის, აშშ, დიდი ბრიტანეთის, პოლონეთის, გერმანიის საელჩოებს), ეროვნულ დონეზე მოქმედ საერთაშორისო ორგანიზაციებს და ქვეყნის ფარგლებს გარეთ, მათ შორის შემდეგ ორგანიზაციებს: The National Democratic Institute, International Republican Institute, humanrightshouse, FIDH, NHC, HRHF, OMCT და Amnesty International. ამასთან, „ახალგაზრდა ადვოკატებმა“ საქმეზე გამოქვეყნებული კვლევის შედეგები მიაწოდა აღმასრულებელ, საკანონმდებლო და სასამართლო ხელისუფლებას, საქართველოს პრეზიდენტის ადმინისტრაციას, საქართველოს ეროვნულ ბანკს, ადგილობრივ თვითმმართელობებს და პროფესიულ ორგანიზაციებს.
„ახალგაზრდა ადვოკატების“ შუალედურ ანგარიშში აღნიშნულია, რომ კომპანიის წინაშე ჩადენილი ფინანსური დანაშაულის დროული გამოძიება, პასუხისმგებელი პირების გამოკვეთა, კომპანიის მიმართ დაზარალებულად ცნობის თაობაზე დადგენილების მიღება და ბიზნესის ქონებრივი და არაქონებრივი უფლებების დაცვა, მოცემულ შემთხვევაში, სახელმწიფოს ერთ-ერთ უმთავრესს მიზანსა და ამოცანას უნდა წარმოადგენდეს, რასაც ჩრდილს აყენებს საქმის კვლავ საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის სამეგრელო-ზემო-სვანეთის სამმართველოში დამისამართდა. ამასთან, ტექსტში აღნიშნულია, რომ 2017 წლის 27 ივლისის საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის სამეგრელო-ზემო სვანეთის სამმართველოდან მიღებული წერილის თანახმად, მიმდინარეობს სისხლის სამართლის ყოველმხრივი, სრულყოფილი და ობიექტური გამოძიება, თუმცა საგამოძიებო ორგანოების მხრიდან მიღებული ბოლო გადაწყვეტილებები, უფრო მეტად ამძაფრებს კითხვებს გამოძიების მიკერძოებისა და არაორგანიზებულობის თაობაზე.
„ახალგაზრდა ადვოკატების“ კვლევამ აჩვენა, რომ ფინანსური დანაშაულის საქმეში 2013 წელს, ახალაღმოჩენილი და ახლად გამოვლენილი გარემოება გახდა 2008 წლის 26 დეკემბრის, 2009 წლის 1 ოქტომბრის, 2010 წლის 15 თებერვლის, 10 მარტის, 11 ივნისის, 3, 4 და 24 აგვისტოს სამსახურეობრივი ელექტრონული მიმოწერის შინაარსი, რაც კომპანიისთვის ტოვებდა გონივრული ვარაუდის საფუძველს, რომ იმჟამად ორგანიზაციის სტრატეგიული განვითარების მენეჯერი ფლობდა ინფორმაციას და ასევე, დაკავშირებული იყო კომპანიაში ჩადენილ ფინანსურ დანაშაულთან. ზუგდიდის რაიონული სასამართლოს 2014 წლის 18 მარტის განჩინებაში ვკითხულობთ: „სს ,,ლაზიკა კაპიტალის’’ მიკროსაფინანსო ორგანიზაციის ხელმძღვანელი პირების მოწმის სახით დაკითხვისას და სხვა მასალათა ერთობლიობით არსებობდა დასაბუთებული ვარაუდი იმისა, რომ სს ,,ლაზიკა კაპიტალის’’ სესხის ოფიცერსა და სს ,, ლაზიკა კაპიტალის’’ ოპერაციების მენეჯერს შორის 2008-2010 წლებში არსებობდა საბანკო-შიდა ქსელური დანაშაულებრივი მიმოწერები“.
ცნობისთვის: ორგანიზაციამ სს „ლაზიკა კაპიტალის“ საქმეზე კვლევა 2017 წლის ივნისში გამოაქვეყნა. მომზადდა სარეკომენდაციო წინადადებები, ხოლო საქართველოს სახალხო დამცველის აპარატი საქმეზე აგრძელებს მონიტორინგს საქართველოს მთავარ პროკურატურასთან სამართალწამოების შესახებ ინფორმაციის მიღებასთან დაკავშირებით.