საზოგადოება

ახალგაზრდა მუსიკოსებისთვის თბილისში პირველი სოციალური კაფე გაიხსნა

თბილისში, ქიაჩელის 14 ნომერში პირველი სოციალური კაფე გაიხსნა, სადაც მხოლოდ ახალგაზრდა მუსიკოსები არიან დასაქმებული.

სპორტისა და ახალგაზრდობის საქმეთა სამინისტროს ინფორმაციით, გარდა იმისა, რომ “Hელლო ჟოე”-ს სცენა ახალგაზრდულ ბენდებს ეთმობა, მომსახურე პერსონალიც ახალგაზრდა შემსრულებლებითაა დაკომპლექტებული. სოციალური საწარმოს მიზანია, გადაჭრას დასაქმების საკითხი ახალგაზრდებში.
ესაა სივრცე, სადაც ახალგაზრდებს შესაძლებლობა აქვთ, საათობრივად მიიღონ ანაზღაურება, რომელიც თავის მხრივ მორგებული იქნება მათ გრაფიკზე და ყოველგვარი შეზღუდვის გარეშე მუსიკოსებს ექნებათ საშუალება გამოიმუშავონ შემოსავალი მათთვის სასურველ დროს. “Hელლო ჟოე”-ს სტუმრები კლასიკურ მუსიკასა და ჯაზს მოისმენენ. გარდა ამისა, ეს კაფე შესანიშნავი ადგილია იმისათვის, რომ დაინტერესებულმა პროდიუსერებმა დამწყები მუსიკოსები შეარჩიონ სხვადასხვა პროექტებისთვის. “Hელლო ჟოე” ორიენტირებულია 18-დან - 30 წლამდე ასაკის მუსიკოსებზე და მაქსიმალურად ეცდება ხელი შეუწყოს მათ კარიერულ წინსვლას.

პროექტი სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსებით ახალგაზრდულმა არასამთავრობო ორგანიზაციამ „ჰელოუ ჯოი“განახორციელა.

სოციალური კაფეს პირველი სტუმრები სპორტისა და ახლაგაზრდობის საქმეთა მინისტრი ტარიელ ხეჩიკაშვილი, მინისტრის მოადგილე რევაზ ჯაველიძე, კონსერვატორიის რექტორი რეზო კიკნაძე და კონსერვატორიის პროფესორ-მასწავლებლები და სტუდენტები, ბავშვთა და ახალგაზრდობის განვითარების ფონდის დირექტორი ირაკლი ჟორჟოლიანი იყვნენ.