უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
კონფლიქტის ზონა
ახალგორი ადგილობრივი მოსახლეობისგან იცლება
დე-ფაქტო სამხრეთ ოსეთის მთავრობამ ე.წ. ,,ოჯახების გაერთიანების“ პროგრამა დაიწყო, რაც ადგილობრივი მოსახლეობის ცენტრალური ხელისუფლების მიერ კონტროლირებად ტერიტორიებზე მცხოვრებ ოჯახის წევრებთან გადასახლებას და შესაბამისად, ახალგორში საკუთარი საცხოვრებლის სამუდამოდ დატოვებას გულისხმობს.
დემოკრატიის კვლევის ინსტიტუტის ხელთ არსებული ინფორმაციით, ამ დროისთვის ,,ოჯახების გაერთიანების“ პროგრამის მსურველთა სიაში დაახლოებით 280 ადამიანია. ახალგორისთვის, რომელიც 2008 წლიდან დღემდე მოსახლეობის დიდმა ნაწილმა დატოვა, ეს რიცხვი საგანგაშოა.
დე-ფაქტო სამხრეთ ოსეთის მთავრობის „ოჯახის გაერთიანების“ პროგრამა ახალგორის ეთნიკურად ქართველი ადგილობრივი მოსახლეობისგან დაცლის „ლეგალური“ გზაა.
წასვლის მსურველმა ჯერ ყველა კომუნალური გადასახადი და ჯარიმა უნდა დაფაროს, რისი დამადასტურებელი დოკუმენტებიც ადგილობრივი უშიშროების სამსახურს წარედგინება. ამასთანავე აუცილებელია, რომ მოიპოვოს დოკუმენტები, რომლითაც დადასტურდება, რომ მას ე.წ. საზღვრის მეორე მხარეს ოჯახი ნამდვილად ელოდება. ყველაზე მნიშვნელოვანი და სახიფათო ამ პროგრამაში „გასვლის დოკუმენტის“ შინაარსია, რომლის თანახმადაც, რაიონიდან წამსვლელს უკან დაბრუნების შესაძლებლობა აღარ მიეცემა და საკუთრებაზე, რომელსაც ტოვებს, მომავალში პრეტენზიას არ განაცხადებს.
ამ პირობების მიუხედავად, უმძიმეს სოციალურ-ეკონომიკურ პირობებში, სასოწარკვეთილებასა და უიმედო მდგომარეობაში დარჩენილი მოსახლეობა, საკუთარი საცხოვრებლის დატოვებას და თბილისის კონტროლირებად ტერიტორიაზე გადმოსვლას მაინც ცდილობს.
რუსეთის ფედერაციის და ადგილობრივი დე ფაქტო ხელისუფლების მიერ წლების განმავლობაში განხორციელებულმა პოლიტიკამ არასასურველი ქართული მოსახლეობისგან რეგიონის სრულად დასაცლელად, ახალგორში უმძიმესი პირობები ხელოვნურად შექმნა, რაც უნდა შეფასდეს, როგორც ჩუმი ეთნიკური წმენდა.
დემოკრატიის კვლევის ინსტიტუტი მოუწოდებს საქართველოს ხელისუფლებას:
-ახალგორში შექმნილი უმძიმესი ჰუმანიტარული კრიზისის შესახებ საერთაშორისო საზოგადოების ინფორმირებისათვის გამოიყენოს ყველა ხელმისაწვდომი მექანიზმი;
-მიიღოს ყველა შესაძლო ზომა ახალგორში დარჩენილი ადგილობრივი მოსახლეობის მდგომარეობის შესამსუბუქებლად.