კონფლიქტის ზონა

ახალგორში დე-ფაქტო რესპუბლიკის სპეცრაზმია მობილიზებული და საგანგებო რეჟიმი მოქმედებს - რადიო თავისუფლება

ოკუპირებულ ახალგორში სამხრეთ ოსეთის დე-ფაქტო რესპუბლიკის ძალოვანი სტრუქტურების სპეცრაზმები მობილიზებულია და რაიონში საგანგებო მდგომარეობა მოქმედებს. ამის შესახებ რადიო თავიუსფლებას ოკუპირებული ახალგორიდან ორმა წყარომ აცნობა.

მათი ინფრომაციით, დაბა ცხინვალიდან ე.წ. ომონი ჩაიყვანეს. სპეცრაზმელები ჩხრეკენ ახალგორში შემსვლელ და გამომსვლელ ავტომანქანებს და ადგილობრივ მოსახლეობას ეუბნებიან, რომ საგანგებო მდგომარეობა უკავშირდება რუსეთის პრეზიდენტის მოახლოებულ არჩევნებსა და მოსალოდნელ პროვოკაციებს.

როგორც წყაროებმა რადიო თავისუფლებას უამბეს, ოკუპირებული ახალგორის გამგებელმა, ფილიპ ხაჩიროვმა დაბის მოსახლეობა შეკრიბა და მიტინგი გამართა. ხაჩიროვმა განაცხადა, რომ ახალგორელებმა პროვოკაციების რისკის გამო სიფრთხილე გამოიჩინონ. ასევე მან უარყო რამე კავშირი არჩილ ტატუნაშვილის სიკვდილთან.

26 თებერვალს, სამოქალაქო მოძრაობის, „ძალა ერთობაშია“ ხელმძღვანელმა, დავით ქაცარავამ განაცხადა, რომ ფილიპ ხაჩიროვია არჩილ ტატუნაშვილის მკვლელობის დამკვეთია.

ანა მებურიშვილი