უკან

უახლესი ამბები

დღის კალენდარი

ანონსები

არქივი

პოლიტიკა

23 მარტი, 2017 12:40
font-size

ახალი დოკუმენტები ზვიად ნაზღაიძის საქმეზე გამოძიების დაწყების საჭიროებას ადასტურებს - საია

„საქართველოს ახალგაზრდა იურისტთა ასოციაციამ“ გამოაქვეყნა იმ დოკუმენტთა ჩამონათვალი, რომელიც, მისი აზრით, ადასტურებს მოსამართლე ნატა ნაზღაიძის ძმისთვის, ზვიად ნაზღაიძისთვის ქონების ჩამორთმევისა და პირდაპირი მიყიდვის პროცედურულ დარღვევებს. კერძოდ, მოყვანილია სოფიო ქათამაძესა და შპს „ფროფერთი მენეჯენტს“ შორის 2015 წლის 3 ივნისს გაფორმებული მემორანდუმი, „ფროფერთი მენეჯმენტის“ 2015 წლის 29 ივნისის წერილი და საქართველოს ბანკის მიერ 2015 წლის 21 ოქტომბერს საჯარო რეესტრისათვის გაგზავნილი წერილი.

განცხადების მიხედვით, ეს დოკუმენტები საკმარისია გამოძიების დასაწყებად.

საია მოითხოვს მერიასა და საკრებულოსგან, გამოაქვეყნონ ნაზღაიძის საქმესთან დაკავშირებული ყველა დოკუმენტი.

„მედიანიუსი“ საიას განცხადებას უცველალდ გთაავზობთ:

„საიამ მოიპოვა დოკუმენტები, რომელზე დაყრდნობითაც, 2017 წლის 20 თებერვალს, თბილისის საკრებულოს უმრავლესობის წარმომადგენელი, საიას კვლევაში მოყვანილი ფაქტების უსამართლობაზე საუბრობდა. მოპოვებული დოკუმენტიდან, ერთი სოფიო ქათამაძესა და შპს „ფროფერთი მენეჯენტს“ შორის 2015 წლის 3 ივნისს გაფორმებული მემორანდუმია, მეორე „ფროფერთი მენეჯმენტის“ 2015 წლის 29 ივნისის წერილი, ხოლო მესამე საქართველოს ბანკის მიერ 2015 წლის 21 ოქტომბერს საჯარო რეესტრისათვის გაგზავნილი წერილი. გვსურს მოკლედ შევეხოთ თითოეულ დოკუმენტს.

1)მემორანდუმი გაფორმებულია ორ კერძო პირს შორის და ეხება ქონებას, რომელიც იურიდიულად არცერთი მათგანის საკუთრებას არ წარმოადგენდა. 2015 წლის 3 ივნისისათვის ქონების მესაკუთრე საქართველოს ბანკი იყო. ამასთან, აღნიშნული მემორანდუმი არ წარმოშობდა თბილისის მუნიციპალიტეტისათვის რაიმე სახის ვალდებულებას, რომლის საფუძველზეც შესაძლებელი გახდებოდა საკრებულოს 2016 წლის 23 დეკემბრის განკარგულების მიღება (ზვიად ნაზღაიძისათვის ყიფშიძის ქ. #2-ს მიმდებარედ არსებული ქონების ჩამორთმევა და სანაცვლოდ 971,260 ლარის გადაცემა (ნაწილობრივი უძრავი ქონების სახით));

2) შპს „ფროფერთი მენეჯმენტის“ 2015 წლის 29 ივნისის წერილი ადასტურებს, რომ იმავე წლის 13-14 ივნისის სტიქიის შემდეგ, კომპანიამ უარი თქვა მემორანდუმში აღნიშნულ განზრახვაზე (ინვესტიციის განხორციელება). ამავდროულად, არც მემორანდუმის გაფორმების და არც სტიქიის დროს, მიწის ნაკვეთზე არ იყო გაცემული სამშენებლო ნებართვა. მემორანდუმში მხოლოდ საუბარია - საზოგადოებრივ-საცხოვრებელი ფუნქციის (სასტუმრო-სახლი) ობიექტის მშენებლობის შესაძლებლობაზე, რომლის მსგავსი დოკუმენტიც ნებისმიერ პირს შეუძლია გააფორმოს;

3) საქართველოს ბანკის 2015 წლის 21 ოქტომბრის წერილი ადასტურებს, რომ ბანკმა რეესტრს იმ ჩანაწერის გაუქმება სთხოვა, რომელიც 2013 წლის 24 დეკემბერს გაფორმებული ნასყიდობის ხელშეკრულების მიხედვით, ზვიად ნაზღაიძეს გამოსყიდვის ოფციის უფლებას უტოვებდა. წერილში შეწყვეტის საფუძვლად ვადის ამოწურვაა მითითებული. მნიშნველოვანია, რომ აღნიშნული ვადა მხარეებს შორის გაფორმებულ ხელშეკრულებაში იქნა ასახული და ასეთად 2014 წლის 1 ივლისი იყო მიჩნეული. შესაბამისად, საქართველოს ბანკის მიერ რეესტრისათვის გაგზავნილი წერილი კიდევ ერთი დოკუმენტია, რომელიც გამოსყიდვის ოფციის უფლების 2014 წლის 1 ივლისს დასრულებას ადასტურებს. იგივე დასტურდება საჯარო რეესტრის 2014 წლის 3 იანვრის ამონაწერით.

ზემოთ მოყვანილი ფაქტები მოწმობს, რომ საიას მიერ მომზადებული კვლევაში ასახული ინფორმაცია და დასკვნები არათუ უსამართლოა, არამედ კიდევ უფრო გამყარებულია ჩვენს მიერ მოპოვებული დოკუმენტებით. შესაბამისად, ეს დოკუმენტები ხაზს უსვამს საქმეზე გამოძიების წარმოების საჭიროებას.

საია მოუწოდებს თბილისის საკრებულოსა და მერიას, რომ პროაქტიულად თავად გამოაქვეყნონ ყველა ის დოკუმენტი, რომელიც ზვიად ნაზღაიძის საქმესთან არის დაკავშირებული და საზოგადებისათვის ამ დრომდე უცნობი რჩება“, - ნათქვამია განცხადებაში.

შეგახსენებთ, 20 მარტს საქართველოს ახალგაზრდა იურისტთა ასოციაციამ კვლევის პრეზენტაცია გამართა სახელწოდებით „28-ჯერ უფრო ძვიურად ჩამორთმეული ქონება“. საიას შეფასებით, ზვიად ნაზღაიძისათვის ქონების ჩამორთმევისა და პირდაპირი მიყიდვის პროცედურები დარღვევებით ჩატარდა, რომლის გამო ამ საქმით სამართალდამცავი ორგანოები უნდა დაინტერესდნენ. მათივე თქმით, შესაძლოა მუნიციპალიტეტის საჯარო მოხელეების ბრალეულობის საკითხიც დადგეს.

ანა მებურისვილი

გიორგი გახარიამ საფრანგეთს ეროვნული დღესასწაული მიულოცა

14 ივლისი, 2020 , 13:03

გიორგი გახარიამ საფრანგეთის საგანგებო და სრულუფლებიან ელჩს საქართველოში, დიეგო კოლასს ეროვნული დღესასწაული მიულოცა. მთავრობის ადმინისტრაციაში გამართულ შეხვედრაზე ხაზი გაესვა ორმხრივი თანამშრომლობის დადებით დინამიკას და ა

„საზოგადოებრივი ჯანმრთელობის შესახებ“ კანონში ცვლილებები ანტიკონსტიტუციურია - ზურაბ ჭიაბერაშვილი

14 ივლისი, 2020 , 10:22

"ევროპული საქართველოს" წევრი ზურაბ ჭიაბერაშვილი ანტიკონსტიტუციურს უწოდებს „საზოგადოებრივი ჯანმრთელობის შესახებ“ კანონში ცვლილებებს, რომლითაც საქართველოს მთავრობას საგანგებო მდგომარეობის გარეშე გარკვეული შეზღუ

„პარტიულად ვხაზავთ 2-ს, მაჟორიტარში 5-ს“ - `ევროპულმა საქართველომ` გლდანის აქტივს ნიკა მელია წარუდგინა

13 ივლისი, 2020 , 15:21

"ევროპული საქართველოს" ლიდერებმა გლდანის აქტივს ერთიანი ოპოზიციის მიერ გლდანის მაჟორიტარობის კანდიდატად დასახელებული ნიკა მელია წარუდგინეს. ამის შესახებ ინფორმაციას და ფოტომასალას პარტიის გენერალური მდივანი გიგი უგულავა

პარტიის თავმჯდომარის გადასაწყვეტია, იქნება თუ არა პარტიული სიის სათავეში - მამუკა მდინარაძე

10 ივლისი, 2020 , 15:20

„იქნება თუ არა ბიძინა ივანიშვილი სიის პირველი ნომერი, ეს არის მხოლოდ და მხოლოდ პარტიის ხელმძღვანელის გადასაწყვეტი,” – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა. მისი თქ

მიხეილ სააკაშვილის განცხადებასთან დაკავშირებით, საგარეო უწყებაში უკრაინის ელჩთან შეხვედრა გაიმართა

10 ივლისი, 2020 , 15:20

საგარეო საქმეთა სამინისტროში საქართველოში უკრაინის საგანგებო და სრულუფლებიან ელჩთან იგორ დოლგოვთან შეხვედრა გაიმართა. როგორც „მედიანიუსს“ საგარეო საქმეთა სამინისტროდან აცნობეს, შეხვედრაზე ქართულმა მხარემ კიდე

საქართველოს პროგრესს არაფერი ემუქრება -გიორგი გახარია

10 ივლისი, 2020 , 13:20

ჯერჯერობით, ეს არის საკანონმდებლო ინიციატივა, რომელიც კომიტეტებს გადის. რა თქმა უნდა, ამაში სასიამოვნო არაფერი არ არის. მიუხედავად იმისა, ჩვენ ყველას გვესმის, რომ ის პუნქტები, რომელიც იქ არის ჩამოთვლილი, საქართველო ყოველ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე