პოლიტიკა

ახალი მთავრობის დროს არ იჭერენ უდანაშაულოდ, მაგრამ სიღატაკეა - პაატა ბურჭულაძე

„პაატა ბურჭულაძე - მოძრაობა სახელმწიფო ხალხისათვის” ლიდერის პაატა ბურჭულაძის განცხადებით, პოლიტიკაში იმედგაცრუებამ მოიყვანა.

როგორც ბურჭულაძემ განმუხურში მაჟორიტარი დეპუტატობის კანდიდატების წარდგენისას განაცხადა, წინა ხელისუფლება ქვეყნის კეთილმოწყობაზე ზრუნავდა, თუმცა ათასობით ოჯახი გააუბედურა, ხოლო ახალი ხელისუფლების დროს არ იჭერენ ხალხს, მაგრამ უმოქმედობა და სიღარიბეა.

,,მე მეკითხებიან - რამ მოგიყვანა პოლიტიკაში? გიპასუხებთ მოკლედ - იმედგაცრუებამ. აღარ შეიძლება ადამიანმა 25 წელი უყურო და იმედი გქონდეს მომავლის და ეს მომავალი არაფრით არ დადგეს. ყველა მთავრობამ, ვინც კი იყო მოსული, რაღაც კარგი გააკეთა, ამას ნუ დავუკარგავთ - წინა მთავრობამ დააგო გზები, ააშენა სახლები, ააშენა სკოლები, მაგრამ მან დაივიწყა ადამიანი. უამრავი ადამინი მოხვდა ციხეში, უამრავი უდანაშუალო აწამეს, გაუბედურდა ათასობით ოჯახი. მოვიდა მეორე მთავრობა, ციხეში ხალხს არ სვამს, არ იჭერს უდანაშაულოდ რამოდენიმეს გამოკლებით, მაგრამ არის ფუჭი დაპირებები, სიღატაკე, იმედგაცურება. ამას ბოლო უნდა მოეღოს, ზუსტად ამიტომ შემოვდივართ პოლიტიკაში. ნუთუ არ შეიძლება დაიგოს გზები, აშენდეს სახლები და სკოლები და ამ გზაზე იაროს ბედნიერმა ადამიანმა, სკოლაში იაროს ბედნიერმა ბავშვმა და სალხში იცხოვროს ბედნიერმა ადამიანმა? - შეიძლება“ , - განაცხადა პაატა ბურჭულაძემ.

მარი ნამგალაძე