საზოგადოება

ახალციხეში ბავშვების ჯგუფური დაავადების მიზეზი ნაწლავური ინფექცია იყო - პაატა იმნაძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილის, პაატა იმნაძის განცხადებით, ახალციხის საბავშვო ბაღში ბავშვების ჯგუფური დაავადების მიზეზი ნაწლავური ინფექცია იყო.

ამასთან, როგორც იმნაძემ პრესკონფერენციაზე აღნიშნა, ამჟამად გრძელდება კვლევა, რომ დადგინდეს რა შეიძლება ყოფილიყო ამის მიზეზი.

„ახალციხეში ძირითადად ორი საბავშვო ბაღი იყო. საბავშვო ბაღებში იყო ნაწლავური ინფექციები. კვლევა მიმდინარეობს. შესაბამისი ანალიზების ჩატარების შედეგად დადგინდა, რომ ამ შემთხვევაში ისეთი გავრცელებული ვირუსები, როგორიც შეიძლება ყოფილიყო ვთქვათ, ნოროვირუსი, ადენოვირუსი, ან როტავირუსი - არ არის.

კვლევა გრძელდება, რომ დავადგინოთ რა შეიძლება ყოფილიყო ჯგუფური დაავადების მიზეზი ამ საბვავშვო ბაღებში“,-განმარტა პაატა იმნაძემ.

ორი დღის ახალციხის საბავშვო ბაღში 68 ბავშვი დაავადდა. ყველა მათგანს ერთნაირი სიმპტომები აღენიშნებოდათ: თავის ტკივილი, მაღალი სიცხეები, პირღებინება, დიარეა.

მონიკა დავლიანიძე