უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
არქივი
სამართალი
,,აკურის’’ ღვინის ქარხნის უკანონოდ ჩამორთმევის საქმეზე ზურაბ ადეიშვილსა და ვანო მერაბიშვილს მოსამართლემ გამამტყუნებელი განაჩენი გამოუტანა
მესაკუთრეებისთვის ,,აკურის’’ ღვინის ქარხნის უკანონოდ ჩამორთმევის საქმეზე ზურაბ ადეიშვილსა და ვანო მერაბიშვილს მოსამართლემ გამამტყუნებელი განაჩენი გამოუტანა.
ამნისტირებული მუხლების გათვალისწინებით, ადეიშვილს დაუსწრებლად ერთი წლითა და 6 თვით პატიმრობა შეეფარდა, ხოლო მერაბიშვილს, ასევე ამნისტიის გათვალისწინებით, 2 წლითა და 3 თვით პატიმრობა.
ეს ყოფილი იუსტიციის მინისტრის, ზურაბ ადეიშვილისთვის პირველი გამამტყუნებელი განაჩენია.
ადეიშვილის ადვოკატმა, დავით კაკოიშვილმა აღნიშნულ განაჩენს პოლიტიკური უწოდა და აღნიშნა, რომ დღევანდელი განაჩენის გასაჩივრების საკითხს მისი დაცვის ქვეშ მყოფთან კონსულტაციის შემდეგ გადაწყვეტს.
პატიმრობაში მყოფი ვანო მერაბიშვილის ადვოკატმა, გიორგი ჩივიაშვილმა კი, კომენტარი არ გააკეთა.
თავის მხრივ, როგორც საქმის პროკურორმა, ემზარ გაგნიძემ აღნიშნა, ბრალდების მხარემ სასამართლოზე წარადგინა ყველა ის უტყუარი მტკიცებულება, რომელმაც დაადასტურა ბრალდებულების დამნაშავეობა.
საქართველოს ყოფილ გენერალურ პროკურორ ზურაბ ადეიშვილსა და უშიშროების ყოფილ მინისტრ ვანო მერაბიშვილს ბრალი ედებათ სამსახურებრივი უფლებამოსილების გადამეტებაში, სსსკ-ის 333-ე მუხლით.
ბრალდების მიხედვით 2004 წელს თელავში მდებარე ღვინის ქარხნის, "აკურას" უსასყიდლოდ დათმობა სწორედ ადეიშვილმა და მერაბიშვილმა აიძულეს მეპატრონეებს, თეიმურაზ მეგრელიშვილსა და ნოდარ მოდებაძეს.
ნინო ექვთიმიშვილი