მსოფლიო

ალეკ ბოლდუინის მიერ გადასაღებ მოედანზე გასროლას ოპერატორი ემსხვერპლა, რეჟისორი კი დაიჭრა

მსახიობმა ალეკ ბოლდუინმა ნიუ-მექსიკოში ფილმის გადაღებებზე ცეცხლსასროლი იარაღიდან გაისროლა, რის შედეგადაც კინოოპერატორი ჰალინა ჰაჩინსი დაიღუპა და რეჟისორი ჯოელ სოუზა მძიმედ დაიჭრა. ამის შესახებ ინფორმაციას „როიტერი“ ავრცელებს.

ოფიციალური ინფორმაციით, ჰატჩინსი ვერტმფრენით გადაიყვანეს ნიუ მექსიკოს უნივერსიტეტის საავადმყოფოში, სადაც მისი გარდაცვალება დაფიქსირდა, ხოლო სოუზა რეგიონალურ სამედიცინო ცენტრშია მოთავსებული.

„ჰოლივუდ რეპორტერის“ ცნობით, იარაღში, რომლითაც ბოლდუინს უნდა გაესროლა, ნამდვილი ტყვიები არ უნდა ყოფილიყო. იარაღი რეკვიზიტად იყო გამოყენებული გადაღებების დროს.

ამ ეტაპზე ინციდენტის გამოძიება გრძელდება.

ბოლდუინმა გამოძიებას ჩვენება მისცა. მომხდართან დაკავშირებით არავინ დაუკავებიათ.