უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
საზოგადოება
ალეკო ელისაშვილმა სკოლის მოსწავლეს ხელი დაარტყა - გიორგი გაბედავა
უფლებადამცველის გიორგი გაბედავას თქმით, თბილისის მერობის დამოუკიდებელი კანდიდატი ალექსანდრე ელისაშვილმა სკოლის მოსწავლეს ხელი დაარტყა.
როგორც გაბედავამ პრესკონფერენციაზე განმარტა, ეს მაშინ იყო, როდესაც ელისაშვილი ჯერ კიდევ ტელეკომპანია „კავკასიის“ ჟურნალისტი იყო. მის მიერ ხსნებეული ინციდენტი კი, 2010 წლის 7 მაისს მოხდა. მომხდარზე მაშინვე აღიძრა სისხლის სამართლის საქმე და გამოძიების შედეგად რამდენიმე პირი დააკავეს.
„მაშინ ელისაშვილი „კავკასიის“ ჟურნალისტი იყო, სწორედ ის გახლდათ ადამიანი, რომლის ტელევიზიაში მოსვლამაც გამოიწვია ძალიან დიდი შეხლა-შემოხლა. ჩემი ინფორმაციით, ის არ იმყოფებოდა ფხიზელ მდგომარეობაში. მან ხელი დაარტყა სკოლის მოსწავლეს ჯაბა გურჩიანს, რის შემდეგაც მოხდა იქ დაძაბულობა და პოლიციელებმა დააკავეს ჩემი მეგობრები“, - განაცხადა გაბედავამ.
გაბედავამ ელისაშვილის მიერ მიცემული ჩვენებაც წარმოადგინა.
„ძალიან უწყინარ ჩვენებას იძლევა ალეკო. თითქოს ის მივიდა დაძაბულობიდან 5 წუთში, თითქოს მან გაიგო გინების ხმა და დაინახა გაწევ-გამოწევა და ნაცემი აქუბარდია. სინამდვილეში ჩემი თვალით რაც მაქვს ნანახი, იყო ის, რომ მან ხელი დაარტყა 18 წლის სკოლის მოსწავლეს ჯაბა გურჩიანს. სასამართლოზე ჩვენ ეს კითხვა მას დავუსვით და მან თქვა, რომ ხელის დარტყმა აღელვების ნიადაგზე მოხდა. თუ მან ხელი დაარტყა სკოლის მოსწავლეს, რატომ არ დააკავეს ალეკო ელისაშვილი და რატომ მოხდა მხოლოდ ჩვენი დაკავება - 8 კაცი დააკავეს აქუბარდიას პიჯაკის გახევის გამო. არადა, ჯაბა გურჩიანს თვალზე სილურჯე ხელის დარტყმისგან ვიდეოშიც კარგად ემჩნევა“,-აღნიშნა გაბედავამ.
მონიკა დავლიანიძე