უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
მსოფლიო
ალეპოში შექმნილი ვითარების გამო, ევროკავშირი რუსეთის წინააღმდეგ „საჭირო ზომებს“ მიიღებს
ევროკავშირის ქვეყნების ლიდერები შეთანხმდნენ, რომ იმ შემთხვევაში, თუ ალეპოში სისხლისღვრა გაგრძელდა, „ყველა შესაძლო ზომებზე“ იმსჯელებენ, რომელსაც სირიის მთავრობისა და მათი მოკავშირეების,მათ შორის რუსეთის წინააღმდეგ გამოიყენებენ.
ამის შესახებ ევროსაბჭოს პრეზიდენტმა დონალდ ტუსკმა, ევროკავშირის სამიტის პირველი დღის დასრულების შემდეგ განაცხადა.
„ევროკავშირი მოუწოდებს სისხლისღვრისა და სამხედრო ქმედებების დაუყოვნებლივი შეჩერებისკენ“,-განაცხადა ტუსკმა
გერმანიის კანცლერის ანგელა მერკელის განცხადებით, თუკი ალეპოზე ავიადარტყმების ინტენსივობა შენარჩუნდება, ევროკავშირი რუსეთის წინააღმდეგ საჭირო ზომებს მიიღებს.
გერმანიის კანცლერის პოზიციას მხარი საფრანგეთის პრეზიდენტმა ფრანსუა ოლანდმა დაუჭირა.
„თუკი დარტყმები და სიმხეცე გაგრძელდა, სირიის ხელისუფლების კონკრეტული წარმომდგენლის წინააღმდეგ სანქციების შემოღება მოგვიწევს“,-აღნიშნა ოლანდმა.
რუსეთის წინააღმდეგ დამატებითი სანქციების შემოღების წინააღმდეგი იტალია გამოვიდა.
პრემიერ-მინისტრის მატეო რენცის განცხადებით,თუ ევროკავშირს რუსეთთან საუბარი სურს, მან „კარი ღიად უნდა დატოვოს“.
მისი თქმით, სირიაში შექმნილი მძიმე ვითარება რუსეთის წინააღმდეგ სანქციების შემოღებით ვერ მოგვარდება.
მონიკა დავლიანიძე