უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
სამართალი
ალექსანდრე ჯაფოშვილი ელისო კილაძეს უდანაშაულობის პრეზუმფციის დარღვევაში ადანაშაულებს
გაზეთ „ქრონიკა პლუსის“ მთავარ რედაქტორს ელისო კილაძეს, ალექსანდრე ჯაფოშვილი უდანაშაულობის პრეზუმციის დარღვევაში ადანაშაულებს.
კერძოდ, საქმე ეხება გუშინ ელისო კილაძის მიერ გაკეთებულ განცხადებას, სადაც ის მისი შვილის დავით ხარშილაძის დაკავების ფაქტზე ახალი დეტალები გაასაჯაროვა. კილაძის თქმით, მისი შვილის დაკავებაში არა სამი, არამედ 12 სამართალდამცველი მონაწილეობდა. კილაძის თქმით, მან რამდენიმე მათგანის იდენტიფიცირება მოახერხა, და ერთ-ერთი მათგანი სწორედ, ალექსანდრე ჯაფოშვილია.
ჯაფოშვილის თქმით, იგი პოლიციაში 2004 წლიდან აღარ მუშაობს.
„2004 წელს, როდესაც რეორგანიზაცია მოხდა და გამოგვიშვეს ძველი თანამშრომლები, პროფესიონალები, იმის მერე მე პოლიციასთან არანაირი შეხება არ მქონია. ოფიციალურად აღარ ვმუშაობ. შეგიძლიათ კადრებში მიხვდიეთ და ამოიღოთ ჩემი პირადი საქმე, იქ ყველაფერი ნათლად არის. არანაირი შეხება ხარშილაძის საქმესთან არ მაქვს, არც ვიცნობ ვინ არიან ესენი. უბრალოდ სასაცილოა. ქალბატონმა უდანაშაულობის პრეზუმცია დაარღვია, ცილი დამწამა მე, ამიტომ მე, კანონის ფარგლებში რაც საჭირო არის, მე თვითონ იურისტი ვარ, ყველაფერს გავაკეთებ და მივყვები ბოლომდე“,-აღნიშნა ჯაფოშვილმა“რუსთავი2“-თან საუბარში.
ელისო კილაძის მტკიცებით კი, პროკურატურაში დაწყებული გამოძიების ფარგლებში არის დაფიქსირებული ალექსანდრე ჯაფოშვილის პირადი ნომერი.
„ამ პირადობის ნომრით ფიქსირდება სწორედ ეს სახელი და გვარი. მეორე, მე შეძლებისდაგვარად გადავამოწმე და როცა ამბობს, რომ 2004 წლის შემდეგ არ უმუშავია, შემიძლია გითხრათ, რომ 2016 წლამდე ის ირიცხებოდა ნამდვილად პოლიციის რიგებში. თუ მას სურვილი აქვს, რომ სასამართლოში მიჩივლოს - ეს არის მისი უფლებაა“,-განაცხადა ელისო კილაძემ.
მონიკა დავლიანიძე