კომენტარი
ალექსანდრე ჯეჯელავა აშშ-ში სწავლის გაგრძელებას აპირებს
განათლებისა და მეცნიერების ყოფილი მინისტრი ალექსანსდრე ჯეჯელავა ამერიკაში სწავლის გაგრძელებას აპირებს.
ამის შესახებ ჯეჯელავამ ჟურნალისტებს მას შემდეგ განუცხადა, რაც განათლების ახალ მინისტრს უწყება გადააბარა.
მისი თქმით, შეერთებულ შტატებში სადოქტოროზე სამუშაოდ გაემგზავრება.
„ჩემი საქმიანობა იქნება იგივე, რაც მინისტრობამდე იყო, ვაპირებ სასწავლო საქმიანობის გაგრძელებას. ვასწავლიდი რამდენიმე უნივერსიტეტში და ვატარებდი ტრენინგებს, არასამთავრობო და კერძო სექტორში ვმუშაობდი. გარდა ამისა, ვაპირებ სწავლის გაგრძელებას. 2017 წელს ამერიკის შეერთებულ შტატებში სადოქტოროს გასაგრძელებლად ვიყავი მომზადებული, ამ გეგმამ დროში ცოტა გადაიწია, თუმცა ვაპირებ ჩავაბარო და აშშ-ში წავიდე სადოქტოროს გასაგრძელებლად“,- განაცხადა ყოფილმა მინისტრმა.
პრემიერ-მინისტრის მიერ განხორციელებული მთავრობის სტრუქტურული და საკადრო ცვლილების შედეგად, განათლების მინისტრან მიხეილ ჩხენკელი დაინიშნა.
გუშინვე, გიორგი კვირიკაშვილისა და ჩხენკელის შეხვედრის დროს, პრემიერმა განაცხადა, რომ ჯეჯელავას საქმიანობას დიპლომატიურ სფეროში შესთავაზა, თუმცა ყოფილი მინისტრსიგან პასუხი ჯე არ აქვს მიღებული.
მონიკა დავლიანიძე