საზოგადოება

„ამ ბოროტების შემქმნელი არის ეს კაცი, ბიძინა ივანიშვილი, რუსი ოლიგარქი“ - ბიძინა ივანიშვილის რეზიდენციასთან აქცია მიმდინარეობს

სამოქალაქო აქტივისტები, რომლებიც 3 თვეა კარვებში ღამეს ათევენ და ვადამდელ არჩევნებს მოითხოვენ, ბიძინა ივანიშვილის შუშის სასახლესთან აქციას მართავენ.

აქტივისტები პრემიერმინისტრ ირაკლი ღარიბაშვილის გადადგომასა და ვადამდელ არჩევნებს მოითხოვენ.

„ამ ბოროტების შემქმნელი არის ეს კაცი, ბიძინა ივანიშვილი, რუსი ოლიგარქი. ჩვენი მთავარი მოთხოვნა ისევ ძალაში რჩება, ეს არის ვადამდელი არჩევნები, მაგრამ სანამ ამ მოთხოვნას მივიღებთ, დაუყოვნებლივ უნდა გადადგეს ქვეყნის პრემიერმინისტრი, ირაკლი ღარიბაშვილი, რომელიც ამ ძალადობის და ამ საშინელებების ერთერთი ავტორია", -თქვა ვანო მაღალაშვილმა.

გუშინ, 6 მარტს, "ტვ პირველის" ეთერში აუდიჩანაწერები გავრცელდა, რომელშიც ჩანს, რომ ბიძინა ივანიშვილის შვილი, ბერა ივანიშვილი და პრემიერმინისტრი, ირაკლი ღარიბაშვილი სკოლის მოსწავლეებზე ძალადობას გეგმავენ.