უკან

უახლესი ამბები

დღის კალენდარი

ანონსები

არქივი

პოლიტიკა

15 ოქტომბერი, 2018 15:00
font-size

ამ ჩანაწერების ავთენტურობა თუ დასტურდება, ეს ნიშნავს იმას, რომ საქართველოში დღეს არ გვაქვს სახელმწიფო - დავით ბაქრაძე

„მომავლის საკითხია, იქნება თუ არა საქართველო ევროპული ქვეყანა, სადაც მუშაობენ ინსტიტუციები, თუ ვიქნებით ცალკეული ადამიანების, „მაგარი ბიჭების" ხელში, არსებული შეიარაღებული დაჯგუფებების, მათი კრიმინალური და კორუფციული ინტერესების მსხვერპლი“, - ასე გამოეხმაურა „ევროპული საქართველოს" პრეზიდენტობის კანდიდატმა დავით ბაქრაძემ გუშინ გავრცელებულ აუდიოჩანაწერებს.

ბაქრაძის თქმით, ქვეყანაში ინსტიტუციები ჩამოშლილია.

„ეს ჩანაწერები არ ეხება ერთ კონკრეტულ საქმეს, არც კონკრეტულ თანამდებობის პირებს და უწყებებს. ეს ჩანაწერები ეხება ქართულ სახელმწიფოს და თითოეული ჩვენგანის მომავალს, იმიტომ რომ თუ ამ ჩანაწერების ავთენტურობა დასტურდება, ეს ნიშნავს იმას, რომ საქართველოში დღეს არ გვაქვს სახელმწიფო, არ გვაქვს სახელმწიფო ინსტიტუციები და ქვეყანა იმართება მაფიოზური მენტალიტეტის მქონე არაფორმალური გავლენის ცალკეული პირებისგან", - განაცხადა ბაქრაძემ.

მისივე თქმით, ქვეყანა ცალკეული კრიმინალური დაჯგუფებების მიერ იმართება, რაც საგანგაშოა.

„დღეს მივიღეთ უკიდურესობა, როცა სახელმწიფო და სახელმწიფო ინსტიტუციები პრაქტიკულად ჩამოშლილია და ქვეყანა იმართება ცალკეული ადამიანების მიერ მაფიოზური მენტალიტეტის, გარჩევების, საკუთარი ბიზნესინტერესების საფუძველზე. ეს სიტუაცია საგანგაშოა. ეს არის საკითხი თითოეული ჩვენგანის მომავლის, გვაქვს თუ არა მომავალი ქართულ სახელმწიფოს, იქნება თუ არა საქართველო ევროპული ქვეყანა, სადაც მუშაობენ ინსტიტუციები თუ ვიქნებით ცალკეული ადამიანების, „მაგარი ბიჭების" ხელში არსებული შეიარაღებული დაჯგუფებების, მათი კრიმინალური და კორუფციული ინტერესების მსხვერპლი",- განაცხდა ბაქრაძემ.

ბაქრაძის თქმით, ყველა დანაშაული უნდა იყოს გამოძიებული მომდევნო ხელისუფლების მიერ.
„ყველა დანაშაული იქნება გამოძიებული და ეს გამოძიება გადაეცემა აშშ-ის შეერთებულ ბიუროს, რომ ეს არ იქნება შურისძიება",-აღნიშნა პრეზიდენტობის კანდიდატმა.

„რუსთავი 2“-ის მიერ გამოქვეყნებული ჩანაწერები, სავარაუდოდ, გლდანის ციხეშია გაკეთებული. ჩანაწერის მიხედვით, ხორავას ქუჩაზე მოკლული მოზარდების საქმეზე დანაშაულის შეუტყობინებლობის ბრალდებით დაკავებული მირზა სუბელიანი მასთან საკანში მისულ „ქართული ოცნების“ დეპუტატს მესტიიდან, ვიქტორ ჯაფარიძესა და ლტოლვილთა სამინისტროს ყოფილ მაღალჩინოსან, გენერალური ინსპექციის ყოფილი თანამშრომელს დათო ცუხიშვილს ესაუბრება.

საუბარი თითქმის საათ-ნახევარი გრძელდება, საიდანაც ირკვევა, რომ მირზა სუბელიანი, ფაქტობრივად, საკუთარი ნებით ჩაჯდა ციხეში - ის გაურიგდა ხელისუფლებას.

ჩანაწერებში სუბელიანი ამბობს, რომ ხორავას ინციდენტის შემდეგ არასრულწლოვანები ძალოვანებმა გაიტაცეს და სცემეს.

მირზა სუბელიანი ამტკიცებს, რომ სწორედ ამის გამო მას სახელმწიფოს იმედი აღარ აქვს, თუმცა ამბობს, რომ ის სწორედ ხელისუფლების გადარჩენის მიზნით დათანხმდა გარიგებას, რომლის მიხედვითაც მას სასამართლომ ერთი წლით თავისუფლების აღკვეთა და კიდევ ერთი წლით პირობითი მსჯავრი უნდა შეუფარდოს.

სუბელიანი ითხოვს ჯაფარიძეს, გახარიას შეთანხმება გაახსენოს. ჩანაწერში სუბელიანი ფარცხალაძესაც იხსენებს და ამბობს, რომ პროკურატურას სწორედ ის მართავს. დანაშაულის დაფარვაში ბრალდებული მის გარემოცვაზეც საუბრობს და იმ 50-თ ე.წ. "ავტომატჩიკს" ახსენებს, რომლებიც მასთან ერთად გახმაურებული საქმეების გახსნაზე მუშაობდნენ. სუბელიანი განაწყენებულია სამთავრობო გუნდზეც, რომელმაც მის დასაცავად არაფერი გააკეთა.

თუ მხარეებს სურვილი ექნებათ, რომ საქართველო იყოს ჩართული სამშვიდობო მოლაპარაკებების პროცესში, ჩვენ გვაქვს სრული მზაობა - ირაკლი სესიაშვილი

28 სექტემბერი, 2020 , 16:10

თუ მხარეებს სურვილი ექნებათ, რომ საქართველო იყოს ჩართული სამშვიდობო მოლაპარაკებების პროცესში, ჩვენ გვაქვს სრული მზაობა და ეს ჩვენი ინტერესიც არის, თუმცა, სამწუხაროდ დღეს ამის ნიშნები არ ჩანს,- ამის შესახებ თავდაცვისა და

გიორგი გახარია ბრიუსელში ოფიციალური ვიზიტის ფარგლებში, ევროკომისიაში, ევროპულ საბჭოსა და ნატო-ში მაღალი დონის შეხვედრებს გამართავს

28 სექტემბერი, 2020 , 15:35

საქართველოს პრემიერ-მინისტრი 29-30 სექტემბერს ოფიციალური ვიზიტით ბრიუსელს ეწვევა. როგორც „მედიანიუსს“ მთავრობის ადმინისტრაციიდან აცნობეს, მთავრობის მეთაურის რანგში ბრიუსელში პირველი ოფიციალური ვიზიტის ფარგლებ

ოპოზიციაში არის სრული თანხვედრა, ხედვები მნიშვნელოვან საკითხებზე - თინა ბოკუჩავა

28 სექტემბერი, 2020 , 14:30

“მემორანდუმში, რომელსაც დღეს ხუთმა ოპოზიციურმა პარტიამ მოაწერა ხელი, წარმოდგენილია, როგორ უნდა გამოვიდეს ქვეყანა ეკონომიკური კრიზისიდან და ამასთან, საუბარია განათლების სისტემაში საჭირო რეფორმებზე,” - ამის შეს

„ნაციონალური მოძრაობა“ დებატებში, სადაც „ქართული ოცნება` არ იქნება წარმოდგენილი, მონაწილეობას არ მიიღებს

28 სექტემბერი, 2020 , 14:30

„ერთიანი ნაციონალური მოძრაობა“ დებატებში, სადაც „ქართული ოცნება" არ იქნება წარმოდგენილი, მონაწილეობას არ მიიღებს. როგორც პარტიის ერთ-ერთმა ლიდერმა ზალიკო უდუმაშვილმა აღნიშნა, ოპოზიციურ პარტიებს შორის დი

ოპოზიციური პარტიების ლიდერებმა ეკონომიკისა და განათლების სფეროების რეფორმების პრინციპების მემორანდუმს ხელი მოაწერეს

28 სექტემბერი, 2020 , 12:15

ოპოზიციურმა პარტიებმა - „გირჩი“, „ევროპული საქართველო“, „ნაციონალური მოძრაობა“, „სტრატეგია აღმაშენებელი“ და „ერთიანი საქართველო“ ოპოზიციას შორის შეთანხმები

ჩვენი მთავარი მიზანია, რომ არჩევნები იყოს მშვიდ, წყნარ, დემოკრატიულ, ღია, ტრანსფარენტულ გარემოში და ეს ასე იქნება - გიორგი გახარია

27 სექტემბერი, 2020 , 12:16

ჩვენი მთავარი მიზანია, რომ არჩევნები იყოს მშვიდ, წყნარ, დემოკრატიულ, ღია, ტრანსფარენტულ გარემოში და ეს ასე იქნება, - ამის შესახებ საქართველოს პრემიერ-მინისტრმა გიორგი გახარიამ, ჟურნალისტების კითხვის საპასუხოდ განაცხადა.

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე