ეკონომიკა

ამ ეტაპზე სემეკში შემოსულია განცხადება მხოლოდ გაზის ტარიფების გადახედვასთან დაკავშირებით - დავით ნარმანია

საქართველოს ენერგეტიკისა და წყალმომარაგების მარეგულირებელ ეროვნულ კომისიაში ბუნებრივი აირის ტარიფის ზრდას არ გამორიცხავენ.

სემეკის წევრის, დავით ნარმანიას თქმით, უწყებაში შესულია განცხადება ტარიფის გადახედვასთან დაკავშირებით.

მისივე თქმით, ესაა ტარიფების გეგმიური გადახედვა, რომელიც არ უკავშირდება ლარის კურსის ცვლილებას.

„ამ ეტაპზე ჩვენთან შემოსული არის წინადადებები მხოლოდ გაზის ტარიფების გადახედვასთან დაკავშირებით. ესეც არის გეგმიური, ვინაიდან დადგენილი ტარიფები მოქმედებს ამ წლის ბოლომდე, შესაბამისად სემეკმა წარმოდგენილი განაცხადების მიხედვით უნდა განიხილოს ეს,თუმცა ეს დაკავშირებული არ არის კურსის ცვალებადობასთან, ესაა გეგმიური სატარიფო გადახედვა“, - უთხრა ნარმანიამ ჟურნალისტებს.

ნარმანიას მტკიცებით, დენისა და წყლის საფასურების საკითხი დღის წესრიგში არ დგას.