პოლიტიკა

ამ ეტაპზე, ვერ გიპასუხებთ, იკვეთება თუ არა უფლებამოსილების გადამეტების ფაქტები მაჩალიკაშვილის საქმეში - ირაკლი შოთაძე

საქართველოს მთავარი პროკურორის, ირაკლი შოთაძის განცხადებით, პანკისში ჩატარებული სპეცოპერაციის შედეგად დაღუპული თემირლან მაჩალიკაშვილის ოჯახი ინფორმირებულია გამოძიების შესახებ.

შოთაძის თქმით, ის ამ ეტაპზე ვერ უპასუხებს, იკვეთება თუ არა უფლებამოსილების გადამეტების ფაქტები.

„გამოძიების მიმდინარეობის შესახებ ინფორმირებულია მაჩალიკაშვილების ოჯახი. საგამოძიებო მოქმედებებზე, მას შემდეგ რაც ამოიწურება, საქართველოს პროკურატურა დეტალურ ინფორმაციას მიაწვდის საზოგადოებას. ამ ეტაპზე, ვერ გიპასუხებთ, იკვეთება თუ არა უფლებამოსილების გადამეტების ფაქტები. საგამოძიებო მოქმედებები მიმდინარეობს მაქსიმალურად ეფექტიანად, სწრაფად და მას შემდეგ, რაც დასრულდება, მივაწვდით ყველას ინფორმაციას“, – განაცხადა შოთაძემ.

19 წლის თემირლან მაჩალიკაშვილი 26 დეკემბერს, სოფელ დუისში ჩატარებული სპეცოპერაციის დროს დაჭრეს. მას ჭრილობა ჰქონდა მიყენებული თავის არეში. იგეგმებოდა მისი სამკურნალოდ გაგზავნა თურქეთში, თუმცა 10 იანვარს მაჩალიკაშვილი გარდაიცვალა. მაჩალიკაშვილის ოჯახის წევრები სპეცრაზმს უფლებამოსილების გადამეტებაში ადანაშაულებენ.

საკვანძო სიტყვები:

ჩვენს გუნდს ჰქონდა უამრავი წარმატება, იყო ხარვეზებიც და შეცდომებიც, რომელთათვისაც თვალის გასწორებას ჩვენ არასოდეს შევშინებივართ - ირაკლი კობახიძე

16 იანვარი, 2021 , 15:40

გასული წლების განმავლობაში, ჩვენს გუნდს ჰქონდა უამრავი წარმატება, თუმცა, ბუნებრივია, იყო ხარვეზებიც და შეცდომებიც, რომელთათვისაც თვალის გასწორებას ჩვენ არასოდეს შევშინებივართ, - ამის შესახებ „ქართული ოცნება - დემოკ