უკან

დღის კალენდარი

ანონსები

არქივი

პოლიტიკა

16 ივლისი, 2018 13:40
font-size

ამ ქვეყანაში ორი მილიარდერის ოჯახი ცხოვრობდა და ორივე მილიარდერის ოჯახს ამ დიპლომით ვემსახურებოდი - შალვა თადუმაძე ენძელა მაჭავარიანს

„პირადად მე ნებისმიერ თანამდებობაზე - მათ შორის პრემიერ-მინისტრადაც უსიტყვოდ დაგიჭერდით მხარს, მაგრამ მინდა უფრო მეტი მითხრათ თქვენი პროფესიის შესახებ, რადგან თქვენი დიპლომი მითქმა-მოთქმის საგანი რომ არ იყოს“, -ასეთი კითხვით მიმართა საპარლამენტო უმრავლესობის წევრმა ენძელა მაჭავარიანმა იურიდიულ საკითხთა საპარლამენტო კომიტეტის სხდომაზე მთავარი პროკურორობის კანდიდატ შალვა თადუმაძეს.

„როდესაც არჩილ კბილაშვილი მთავარ პროკურორად დაინიშნა, აღფრთოვანებული ვიყავი. მეგონა, რომ რაკი ის ადვოკატთა სექტორიდან მოვიდა, იქნებოდა რაღაც განსაკუთრებული - არ ვარ იურისტი და წარმოდგენა შემექმნა, რომ ეს ასე იქნებოდა. შემდეგ აღმოჩნდა, რომ რაღაცები ასე არ გამოვიდა. რასაკვირველია, არჩილ კბილაშვილის კვალიფიკაციაში ეჭვი არ მეპარება, მაგრამ პროფესიონალები საუბრობდნენ, რომ მას რომ ქმედითი ნაბიჯები გადაედგა, ამაში სწორედ ადვოკატობამ შეუშალა ხელი.

მირჩევნია სამართალმა იაროს ნელა და მოიპოვოს თავისი სიმართლე, ვიდრე საქმე მივაფუჩეჩოთ. მთავარი პროკურატურის თანამდებობა განსაკუთრებულ განათლებას მოითხოვს. მხოლოდ ამ თანამდებობის ადამიანს უწერია, რომ სისხლის სამართლის იურისტი უნდა იყოს. პირადად მე ნებისმიერ თანამდებობაზე - მათ შორის პრემიერ-მინისტრადაც უსიტყვოდ დაგიჭერდით მხარს, მაგრამ მინდა უფრო მეტი მითხრათ თქვენი პროფესიის შესახებ, რადგან თქვენი დიპლომი, იმ დროისთვის ამ უნივერსიტეტის დამთავრება, მითქმა-მოთქმის საგანი რომ არ იყოს, ეგებ ამაზე მეტად ისაუბროთ“, - მიმართა მაჭავარიანმა თადუმაძეს.

თადუმაძემ უპასუხა, რომ მასზე, როგორც იურისტზე ყოველთვის იყო მოთხოვნა და მიღებული დიპლომით ორი მილიარდერის ოჯახსა და რამდენიმე ათეულ გენერალს ემსახურებოდა.

„ადვოკატი ექვსი წლის წინ ვიყავი. ექვსი წელი მთავრობის საპარლამენტო მდივანი ვიყავი და ორი მოწვევის პარლამენტთან ვმუშაობდი. შემდეგ მთავრობის ადმინისტრაციის უფროსი ვიყავი. ამდენად ის საფრთხე თუ როგორ შეიძლება ადვოკატი პროკურორი იყოს, არ ვფიქრობ, რომ ამ მიმართულებით რაიმე პრობლემაა - როგორც მთავარი პროკურორი საადვოკატო საქმიანობიდან არ მოვდივარ, არამედ მოვდივარ სახელმწიფო სამსახურიდან. არცერთ შემთხვევაში არ ვაპირებდი ჩემს განათლებასა და დიპლომზე საუბარს, რომ არა ქალბატონი ენძელას მიმართ ჩემი ღრმა პატივისცემა. მე, 1992-2000 წლებში ის უმაღლესი სასწავლებლები დავამთავრე, რომელიც ლეგალურად კანონმდებლობით საქართველოში არსებობდა და განათლების დამადასტურებელი ის დოკუმენტები მივიღე, რა დოკუმენტებსაც ეს უმაღლესი სასწავლებლები გასცემდა. არცერთი წუთით არ ვნანობ, რადგან დიპლომი არის არამატერიალური აქტივი და იმის მიხედვით ფასდება, თუ რამდენად შეძლო განათლებამიღებილმა პირმა თავის რეალიზება. არცერთი დღე მე უმუშევარი არ ვყოფილვარ. ჩემზე, როგორც იურისტზე ყოველთვის იყო მოთხოვნა. ამ ქვეყანაში ორი მილიარდერის ოჯახი ცხოვრობდა და ორივე მილიარდერის ოჯახს ამ დიპლომით ვემსახურებოდი. ამ ქვეყანაში, როგორც ადვოკატი, რამდენიმე ათეულ გენერალს ვემსახურებოდი. ამ დიპლომით შევძელი, რომ საკანონმდებლო ინიციატივებზე მემუშავა მთავრობის ნაწილში და ექვსი წლის განმავლობაში ყველა პოლიტიკურ გუნდს ჰქონდა შესაძლებლობა, მონაწილეობა მიეღო იმ საკანონმდებლო ინიციატივების განხილვაში, რომელსაც ან პირადად მე ვწერდი ან მე ვიღებდი მის დაწერაში მონაწილეობას. ამიტომ, არ მესმის, ჩემს განათლებასთან დაკავშირებით რატომ გაჩნდა კითხვები“, -უპასუხა მთავარი პროკურორობის კანდიდატმა მაჭავარიანს.

პარლამენტში წარდგენილი ბიოგრაფიული მონაცემების მიხედვით, შალვა თადუმაძე 1994 - 1998 წლებში, საქართველოს ტექნიკურ უნივერსიტეტში, სამთო ინჟინრის პროფესიას დაეუფლა, ხოლო 1994 – 1999 წლებში, იურისტის განათლება თბილისის ჰუმანიტარულ ინსტიტუტში მიიღო.

კალაძე-ივანიშვილის მაფიამ ფერისცვალება მოგვილოცა გაზის გაძვირებით -შალვა ნათელაშვილი

18 აგვისტო, 2018 , 15:55

საქართველოს ლეიბორისტული პარტია თბილისში ბუნებრივი აირის ფასის ზრდას ეხმიანება. საპრეზიდენტო კანდიდატის, შალვა ნათელაშვილის განცხადებით, გაზზე ტარიფის მატება სხვა პროდუქტების ფასზეც აისახება. შექმნილ ვითარებაზე სრულ პასუ

ეს დაუფიქრებელი ნაბიჯი იყო - მიხეილ ბატიაშვილი მოჭიდავეებზე

18 აგვისტო, 2018 , 15:35

„სპორტსმენებმა ბოდიში მოიხადეს. ეს დაუფიქრებელი ნაბიჯი იყო“, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა საქართველოს მოჭიდავეთა ნაკრების მწვრთნელისა და ნაკრების წ

„ქართულ ოცნებასთან“ კონსულტაციებს მას შემდეგ დავიწყებ, როცა პარტია ჩემს საპრეზიდენტო კანდიდატზე დადებით გადაწყვეტილებას მიიღებს - სალომე ზურაბიშვილი

18 აგვისტო, 2018 , 14:50

პრეზიდენტობის კანდიდატ სალომე ზურაბიშვილის განცხადებით, ის „ქართულ ოცნებასთან“ კონსულტაციებს მას შემდეგ დაიწყებს, როცა პარტიაში საპრეზიდენტო კანდიდატზე საბოლოო გადაწყვეტილებას მიიღებენ. „მე დავიწყებ კონ

მეკობრეების მიერ გემის გატაცების ფაქტი ჯერ არ დადასტურებულა, თუმცა ვერცერთ ვერსიას ვერ გამოვრიცხავთ - ვლადიმერ კონსტანტინიდი

18 აგვისტო, 2018 , 14:50

საქართველოს საგარეო საქმეთა სამინისტროს საკონსულო დეპარტამენტის დირექტორის მოადგილის, ვლადიმერ კონსტანტინიდის განცხადებით, მეკობრეების მიერ პანამის დროშის ქვეშ მცურავი გემის, „პანტელენას“ გატაცების ფაქტი ჯერ

ფინანსურ საკითხში გაჭედილი ვარ, მაგრამ მე ამით ვამაყობ - მიხეილ სააკაშვილი

18 აგვისტო, 2018 , 14:35

უკრაინის რადიოსადგურის «Радио Новое время»-ს პროგრამაში «Час відповідати» („პასუხის გაცემის დრო“) ჟურნალისტი ვიტალი სიჩი სკაიპის მეშვეობით ესაუბრა ამსტერდამში (ნიდერლანდები) მყოფ მიხეი

გერმანიასთან თავდაცვის სფეროში თანამშრომლობის ძალიან კარგი დინამიკა გვაქვს - ლევან იზორია

18 აგვისტო, 2018 , 12:40

გერმანიასთან თავდაცვის სფეროში თანამშრომლობის ძალიან კარგი დინამიკა გვაქვს, - განაცხადა თავდაცვის მინისტრმა ლევან იზორიამ გერმანიის კანცლერის ანგელა მერკელის საქართველოში დაგეგმილ ვიზიტთან დაკავშირებით დასმული კითხვის პა

ვიდეო გალერეა

სისხლში მოსვრილი ბიჭები ხორავას ქუჩიდან