ეკონომიკა

ამ ზვავის ორ თვეში გაშვების შემთხვევაში, ჩათვალეთ, რომ ლარი ჩამოიშლება - რომან გოცირიძე

პარლამენტის ფრაქცია ”ნაციონალური მოძრაობის” თავმჯდომარის, რომან გოცირიძის განცხადებით, „ქართული ოცნების“ ხელისუფლება ბიუჯეტს ვერ ასრულებს.

გოცირიძე ლარის კიდევ უფრო დევალვაციას პროგნოზირებს.

მისი მონაცემებით, წლის ბოლომდე სამ მილიარდზე მეტია, ასათვისებელი, რაც მოკლე დროში შეუძლებელი იქნება.

რომან გოცირიძე ხელისუფლებას ურჩევს, დროულად დაიწყონ ბიუჯეტის კორექტირება და თავიდან აიცილონ ქვეყნის ეკონომიკის სავალალო შედეგები.

ოპოზიციაში აცახდებენ, რომ მთავრობამ არამიზნობრივი ხარჯები უნდა შეამციროს და ასათვისებელი თანხა მომავალი წლის ბიუჯეტში გაიწეროს.

„საქართველოში სრულად არის მოშლილი საბიუჯეტო პროცესი, ქვეყანას არ აქვს ბიუჯეტი. 10 თვის განმავლობაში იქნა ათვისებული მხოლოდ 9 მილიარდი ლარი და დარჩენილი 2 თვის განმავლობაში მთავრობამ უნდა დახარჯოს 3.3 მილიარდი ლარი და ეს არის წარმოუდგენელი რამ. არასდროს, "ქართული ოცნების" მმართველობის პერიოდშიც კი არ მომხდარა ასეთი სრული ჩავარდნა ბიუჯეტის შესრულების პროცესში. ეს არის ზვავი, ამ ზვავის ორ თვეში გაშვების შემთხვევაში, ჩათვალეთ, რომ ლარი ჩამოიშლება,“ - განაცხადა რომან გოცირიძემ.