კომენტარი
ამას სერიოზულად უნდა მიუდგნენ და ობიექტურად გამოიძიონ - დევიდ კრამერი ,,ომეგა ჯგუფის“ საქმეზე
ამერიკის მაკკეინის ინსტიტუტის დირექტორი ადამიანის უფლებებისა და დემოკრატიის საკითხებში დევიდ კრამერი აცხადებს, რომ 2018 წლის საპრეზიდენტო არჩევნები დასავლეთისთვის ბევრ კითხვას გასცემს პასუხს.
კრამერი ქვეყანაში კორუფციასთან ბრძოლის საკითხსაც შეეხო და ,,ომეგა ჯგუფის“ საქმესთან დაკავშირებულ იმ ფარულ ჩანაწერებზე გაამახვილა ყურადღება, რომლიდანაც მაღალი თანამდებობის პირების მიერ კორუფციაში ჩართვის შესახებ ეჭვები ჩნდება.
კრამერი ამბობს, რომ საქართველოს საგამოძიებო ორგანოებმა უნდა გამოიძიონ ეს საკითხი და კანონზე მაღლა არავინ უნდა დააყენონ.
„კორუფციასთან ბრძოლის კუთხით საქართველომ სერიოზული ნაბიჯები გადადგა. იყო ბრალდებები, რომელიც ახლახან გავიდა ეთერში, ამას სერიოზულად უნდა მიუდგნენ და ობიექტურად გამოიძიონ.
ხალხი, რომელიც პრობლემებზე ლაპარაკობს, ფაშიზმში არ უნდა დაადანაშაულო.
მნიშვნელოვანია, რომ, ყველა ბრალდება დამტკიცებული იყოს ან უარყოფილი. არცერთ ქვეყანას არ აქვს იმუნიტეტი კორუფციაზე, საქართველო არ არის გამონაკლისი, მაგრამ კანონზე ზემოთ არავინ არ უნდა იდგეს“ - აცხადებს დევიდ კრამერი.