მსოფლიო

ამერიკას სირიაზე სარაკეტო იერიში მიტანა კიდევ შეუძლია - ბორის ჯონსონი

ბრიტანეთის საგარეო საქმეთა მინისტრის ბორის ჯონსონის განცხადებით, ამერიკის შეერთებულმა შტატებმა სირიაზე სარაკეტო იერიშების მიტანა უნდა გააგრძელონ. -ამის შესახებ „ინტერფაქსი“ Associated Press-ზე დაყდნობით წერს.

„ეს მნიშვნელოვანია, და ამერიკას შეუძლია ეს კიდევ გააკეთოს“,-განაცხადაც ბრიტანელმა დიპლომატმა, ამერიკის სახელმწიფო მდივან რექს ტილერსონთან შეხვედრის შემდეგ, რომელიც „დიდი შვიდეულის“ ფარგლებში იტალიაში შედგა.

ჯონსონის თქმითვე, სამიტის ფარგლებში განიხილება რუსეთისა და რიგი სირიელი სამხედრო პირის მიმართ სამომავლო სანქციების დაწესების საკითხი.

თავად ტილერსონმა აღნიშნა, რომ ამერიკის მხრიდან ახალი გაბედული ქმედებების ალბათობა მაღალია.

„ჩვენ ვართ განწყობილი, რომ ყველა და ყველას ვინც მსოფლიოს მასშტაბით უდანაშაულო ადამიანების მიმართ ბოროტებას ჩადის პასუხისმგებაში მივცეთ“,-განაცხადა ტილერსონმა.

შეგახსენებთ, რომ დღეს, ამერიკის სახელმიწფო მდივანი რექს ტილერსონი ორდღიანი ვიზიტით მოსკოვში ჩადის.

მოსალოდნელია, რომ რუს კოლეგასთან ტილერსონი სირიაში შექმნილ ვითარებას განიხილავს.

მონიკა დავლიანიძე