უკან

უახლესი ამბები

დღის კალენდარი

ანონსები

არქივი

ეკონომიკა

24 მაისი, 2017 13:00
font-size

ამერიკელი პროფესიონალები ქართულ ღვინის ბაზარს ეცნობიან

ამერიკელი ღვინის პროფესიონალების ჯგუფი, რომლის შემადგენლობაშიც ღვინის იმპორტიორები, სომელიეები და ღვინის მწერლები შედიან, საქართველოს ერთკვირიანი ვიზიტით ეწვია. ჯგუფის ხელმძღვანელია ღვინის ეროვნული სააგენტოს კონტრაქტორი, ამერიკული მარკეტინგული კომპანია ,, Marq Energie”-ის მმართველი ჯული პეტერსონი (Julie Peterson).

სოფლის მეურნეობის სამინისტროს ინფორმაციით, ტურის ფარგლებში სტუმრებმა მოინახულეს ქართული ღვინის მწარმოებელი კომპანიები ქართლში, იმერეთში, გურიაში, რაჭა-ლეჩხუმში და კახეთში, სადაც გაეცნენ ქართული ღვინის დაყენების ტექნოლოგიებს, დააგემოვნეს როგორც ევროპული, ასევე ტრადიციული მეთოდებით დამზადებული ღვინოები.

როგორც ,, Marq Energie”-ის ხელმძღვანელი აცხადებს, ქართული ღვინის მიმართ ინტერესი ამერიკის შეერთებული შტატების ბაზარზე მზარდია.

„ბევრი ღვინის მწერლისა და სომელიესთვის ეს პირველი ვიზიტი იყო საქართველოში. ჩვენ ვესტუმრეთ დასავლეთ საქართველოს - რაჭას, იმერეთს, ლეჩხუმს, რადგან გვაინტერესებდა რა ხდებოდა იქ ღვინის სფეროში, ვინ არიან მწარმოებლები, რომელი განსხვავებული ყურძნის ჯიშებია, რითი განსხვავდება აღმოსავლეთისგან აქაური ღვინოები. ბოლო სამი დღის მანძილზე დასავლეთ საქართველოში ვიყავით, დღეს ქართლში ვართ და შემდეგი სამი დღე კი კახეთში ვიქნებით. ვიმოგზაურებთ აღმოსავლეთ საქართველოში, რათა შევადაროთ აღმოსავლეთის სტილი და ჯიშების მრავალფეროვნება დასავლეთ საქართველოს ღვინოებთან” - განაცხადა ჯული პეტერსონმა.

ჯგუფის შემადგენლობაშია ცნობილი ჟურნალისტი, ჟურნალ „Wine and Spirit“-ის მთავარი კორესპონდენტი, რომელიც ასევე წერს „Los Angeles Times“-ში პატრიკ კომიკსი.

„ეს ჩემი პირველი მოგზაურობაა საქართველოში. რამოდენიმე წელია რაც ქართულ ღვინოებს გავეცანი, თუმცა აქ ყოფნა სრულიად განსხვავებული გამოცდილებაა, ბავრად რეალურია და ეს ადგილიც ძალიან ცოცხალია. საუკეთესო რაც შეიძლება ითქვას ხალხზე, ღვინოზე და კულტურაზე ისაა, რომ იგრძნობა რამდენად ნამდვილია ყველაფერი, განსაკუთრებით ღვინოები. რაც უმნეშვნელოვანესია ჩემს მკითხველს გადავცე, რომ ეს ერთ-ერთი უმშვენიერესი ღვინის ქვეყანაა რაც კი ოდესმე მინახავს, მოკრძალებული და ნამდვილი, ღვინოებში იგრძნობა, რომ ისინი უბრალოდ რომელიმე განსაკუთრებული ადგილიდან კი არა, გულიდან მოდიან” - აღნიშნა პატრიკ კომიკსმა (Patrick Comisky).

ქართლში ამერიკელი პროფესიონალები სოფელ ჩარდახში მეღვინე იაგო ბიტარიშვილს ესტუმრნენ, რომელიც აცხადებს, რომ მსგავსი ღონისძიებები ხელს უწყობს ქართული ღვინის ცნობადობის გაზრდას და შესაბამისად ექსპორტის ზრდას აშშ-ს ბაზარზე.

„ბაზრების დივერსიფიკაცია ქართული ღვინისითვის ძალიან მნიშვნელოვანია. როდესაც საუბარია აშშ_ს ბაზარზე, ეს ორმაგად მნიშვნელოვანია, რადგან ის მსოფლიოში ერთ-ერთი ყველაზე დიდი ბაზარია, სადაც აფასებენ ღვინოს, ეს ქვეყანა ღვინის ბაზარზე გარკვეულ წესებსაც ამკვიდრებს. აშშ-ში ექსპოერტის შდეგების მიხედვით წლიდან წლამდე მივიწევთ წინ, თუმცა ამ ქვეყანაში ჩვენი ღვინის პოტენციალი უფრო დიდია და ის ღონისძიებები რომელიც ტარდება აშშ-ში, იქნება ეს გამოფენა, თუ სხვა სახის დეგუსტაციები, ძალიან მნიშვნელოვანია ქართული ღვინის ცნობადობის გაზრდისთვის ამერიკის ბაზარზე“ - აღნიშნა იაგო ბიტარიშვილმა.

ტური ორგანიზებული იყო ღვინის ეროვნული სააგენტოს მიერ. სტუმრებს შესაძლებლობა ჰქონდათ დაეგემოვნებინათ შემდეგი ღვინის მწარმოებლების პროდუქცია: „ამირან ვეფხვაძის მარანი“, „არჩილ გუნიავას მარანი“, „რამაზ ნიკოლაძის ღვინოები“, „პატარიძის საოჯახო მეღვინოება“, „როიალ ხვანჭკარა“, „უსახელაურის ვენახები“, „ზურაბ თოფურიძის საოჯახო მეღვინოება“, „მამუკა ჩხეიძის მარანი“, „იაგოს ღვინოები“, „საღვინარი“, „ვიტა ვინია“, „შალაურის ღვინის მარანი“, „ჭოტიაშვილის ღვინის მარანი“, ,,ფაფრის ველი“, „მუკადო ვაინსი“, „ლუკასი“, „თამარ მილორავას ღვინოები“, მეღვინეობა ,,ნიკა“, „ოქრო ვაინსი“, „ხოხბის ცრემლები“ და „გიუაანი“, ასევე ეწვიენ მექვევრე ზაზა კბილაშვილს.

აშშ წარმოადგენს ქართული ღვინის ერთ-ერთ პოტენციურად მზარდ და მნიშვნელოვან საექსპორტო ბაზარს. აშშ-ში აქტიური მარკეტინგული ღონისძიებების განხორციელება ხელს შეუწყობს ქართული ღვინის ცნობადობისა და კონკურენტუნარიანობის ზრდას აშშ-ს ბაზარზე და ზოგადად ქართული ღვინის საექსპორტო არეალის გაფართოებას. მიმდინარე წლის 4 თვის მონაცემებით, საქართველოდან აშშ-ში ექსპორტირებულია 101 370 ბოთლი (0,75 ლ) ღვინო, რაც 21%-ით აღემატება გასული წლის ანალოგიურ მაჩვენებელს

საქართველოს ეკონომიკის აღდგენის ხელშესაწყობად, აზიის განვითარების ბანკმა 200 მილიონი აშშ დოლარის ოდენობის სესხი დაამტკიცა

29 ოქტომბერი, 2020 , 13:00

აზიის განვითარების ბანკმა (ADB) 200 მილიონი აშშ დოლარის ოდენობის სესხი დაამტკიცა კორონავირუსის (კოვიდ-19) პანდემიით მიყენებული ზიანისგან საქართველოს ეკონომიკის აღდგენის ხელშესაწყობად, ქვეყნის საჯარო ფინანსურ მართვასა და

ნათია თურნავამ საერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში გამართულ დისკუსიაში მიიღო მონაწილეობა

23 ოქტომბერი, 2020 , 11:05

ეკონომიკის სამინისტროს ინფორმაციით, ნათია თურნავამ მაღალი დონის დისკუსიაში მიიღო მონაწილეობა, რომელიც საერთაშორისო სავალუტო ფონდისა და მსოფლიო ბანკის წლიური შეხვედრის ფარგლებში გაიმართა. დისკუსიაში „ციფრული ევროპა

გიორგი გახარია მსხვილ დამსაქმებლებთან შეხვედრაზე - ჩვენი სტრატეგიაა ბალანსის დაჭერა, რაც წერტილოვან ღონისძიებებს გულისხმობს, სისტემური ჩაკეტვები ქვეყანაში არ იქნება

20 ოქტომბერი, 2020 , 17:15

სისტემური ჩაკეტვები ქვეყანაში არ იქნება, ისეთი სისტემური ჩაკეტვები, რომლებიც ეკონომიკაზე პირდაპირ ზემოქმედებას მოახდენს, - ამის შესახებ საქართველოს პრემიერ-მინისტრმა გიორგი გახარიამ, მსხვილ დამსაქმებლებთან შეხვედრისას გა

ეროვნულმა ბანკმა სავალუტო აუქციონზე 30 მილიონი დოლარი გაყიდა

19 ოქტომბერი, 2020 , 17:40

დღეს საქართველოს ეროვნულმა ბანკმა სავალუტო აუქციონზე 30 მილიონი აშშ დოლარი გაყიდა. "2020 წლის 19 ოქტომბერს გამართულ საქართველოს ეროვნული ბანკის სავალუტო აუქციონზე სებ-მა 30 000 000 აშშ დოლარი გაყიდა. საშუალო შეწონილმა გა

პროდუქციის ექსპორტი 12.1%-ით, ხოლო იმპორტი 15.9%-ით შემცირდა - „საქსტატი“

19 ოქტომბერი, 2020 , 12:35

„საქსტატის“ წინასწარი მონაცემებით, მიმდინარე წლის 9 თვეში საქართველოდან პროდუქციის ექსპორტი 12.1%-ით, ხოლო იმპორტი 15.9%-ით შემცირდა. 2020 წლის იანვარ-სექტემბერში საქართველოში საქონლით საგარეო სავაჭრო ბრუნვამ

საერთაშორისო სავალუტო ფონდის ახალი პროგნოზით, საქართველოს ეკონომიკა ევროპასა და რეგიონში 2021-2025 წლებში ყველზე მაღალი ტემპებით გაიზრდება

14 ოქტომბერი, 2020 , 14:25

საერთაშორისო სავალუტო ფონდის ახალი პროგნოზით, საქართველოს ეკონომიკა ევროპასა და რეგიონში 2021-2025 წლებში ყველზე მაღალი ტემპებით გაიზრდება, - ასეთია განახლებული პროგნოზი, რომელიც ასახულია საერთაშორისო სავალუტო ფონდის გლო