კომენტარი

ამერიკის თავდაცვის ბიუჯეტში საქართველოს დაფინანსება რამდენიმე ძირითადი ჩარჩო პარამეტრებითაა განსაზღვრული - ბათუ ქუთელია

საქართველოს ატლანტიკური საბჭოს ვიცე-პრეზიდენტის ბათუ ქუთელიას განცხადებით, 2017 წლის ამერიკის თავდაცვის ბიუჯეტში საქართველოს დაფინანსება რამდენიმე ძირითადი ჩარჩო პარამეტრებითაა განსაზღვრული.

ამის შესახებ ქუთელიამ საკითხის კომენტირებისას მედიას განუცხადა.

„აქ რამდენიმე ძირითადი ჩარჩო პარამეტრია განსაზღვრული,თუ რის საფუძველზეც განვითარდება ჩვენი თანამშრომლობა ამ ერთი წლის განმავლობაში. პირველი, ეს მოიცავს საქართველოს თავდაცვისუნარიანობის ამაღლებას, მეორე, რომ საქართველოს შეეძლოს უფრო აქტიურად და უფრო მეტად თავსებადი იყოს როგორც ამერიკის შეიარაღებულ ძალებთან,ასევე ნატო-ს შეიარაღებულ კონტინგენტთან სხვადასხვა მისიებში მონაწილეობის კუთხით“,-აღნიშნა ქუთელიამ.
შეგახსენებთ, რომ გასულ კვირას ამერიკის კონგრესის წარმომადგენლობითმა პალატამ 375 ხმით, ქვეყნის 2017 წლის თავდაცვითი ბიუჯეტი დაამტკიცა.

მონიკა დავლიანიძე