კომპანია „AMG“ უახლოეს წლებში 8 გაუმჯობესებული „Mercedes-Benz“–ის გამოშვებას აპირებს. ამით ის საკუთარი მოდელების რაოდენობას 30–მდე გაზრდის. ამას გავრცელებული ტიზერები მოწმობს, რომელიც გერმანული კომპანიის დაფუძნების 45 წლისთავის აღსანიშნავად ვრცელდება. იუბილეს აღნიშვნა დამდეგი კვირიდან დაიწყება.

„AMG“–ში იმედოვნებენ, რომ 2017 წლისათვის გაუმჯობესებული „Mercedes-Benz“–ის ყოველწლიურ გაყიდვას 20 000–დან 30 000–მდე გაზრდიან. სადილერო ქსელი კი 350 ცენტრამდე გაფართოვდება.

დაგეგმილი რვა ახალი ავტომანქანიდან პირველი ჰეტჩბეკი „A 45 AMG“ გახდება, რომლის დებიუტი 2013 წლის პირველ კვარტალში შედგება. მას 330 ცხენის ძალის მქონე ორლიტრიანი ტურბოძრავა ექნება. ახალ ავტომანქანებს შორისაა სუპერქარ „SLS AMG“–ის „უმცროსი ძმა“ და კომპაქტური ოთხკარიანი კუპე „CLA“.