პოლიტიკა

ამიერკავკასიაში ნატოს გააქტიურება სერიოზული დესტაბილიზაციის საფრთხეს ქმნის - რუსეთის საგარეო უწყება

რუსეთის საგარეო საქმეთა მინისტრის მოადგილე გრიგორი კარასინი, ჟენევის დისკუსიების თანათავმჯდომარეებს, გაეროს წარმომადგენელ ანტო ტურუნენსა და ეუთოს მოქმედი თავმჯდომარის სპეციალურ წარმომადგენელს გიუნტერ ბეხლერს შეხვდა.

შეხვედრაზე კარასინმა აღნიშნა, რომ კავკასიის რეგიონში ნატო-ს გააქტიურება საფრთხის შემცველია.

მისი თქმით, საქართველოს ტერიტორიაზე ალიანსის სამხედრო ინფრასტრუქტურაა განლაგებული, რეგულარულად სამხედრო სწავლებები იმართება, რომელთა მასშტაბი წლიდან წლამდე იზრდება, ასევე ნატო-ს შეიარაღებული ძალებისა და მათი მართვის სტანდარტები ინერგება.

„ნატოს გააქტიურება ამიერკავკასიაში სერიოზული დესტაბილიზაციის საფრთხეს ქმნის და რუსეთის ფედერაციის, აფხაზეთისა და სამხრეთ ოსეთის უსაფრთხოებას ემუქრება. ამ ვითარებაში ჩნდება საჭიროება იმსია, რომ ძალის გამოუყენებლობის შესახებ იურიდიული შეთანხმება გაფორმდეს,ერთის მხრივ სოხუმისა და ცხინვალის მიერ და თბილისის მხრიდან, მეორეს მხრივ“,-ნათქვამია განცახდებაში, რომელიც რუსეთის საგარეო უწყების ოფიციალურ ვებ-გვერდზე განთავსდა.

ჟენევის მოლაპარაკებების მორიგი რაუნდი 10-11 ოქტომბერს გაიმართება.

მონიკა დავლიანიძე