უკან

საზოგადოება

23 ოქტომბერი, 2019 00:13
font-size

ამირ ფერეცი: ყველაფერი უნდა გავაკეთოთ, რომ საქართველოსა და ისრაელს შორის კავშირი გავაძლიეროთ

„ისრაელის სახლის“ ორგანიზებით, თბილისში, სასტუმრო „ვინდამ გრანდში“ ებრაული კულტურის ევროპული დღესადმი მიძღვნილი საღამო გაიმართა. სპეციალურად ამ ღონისძიებისთვის, თბილისს ისრაელიდან ეწვივნენ 30-კაციანი დელეგაცია საპარლამენტო პარტია „ავოდას“ თავმჯდომარის ამირ ფერეცის ხელძღვანელობით და გავლენიანი გამოცემა „იედიოთ ახრონოთის“ ჟურნალისტები.

საღამოს ესწრებოდნენ, აგრეთვე, საქართველოს პარლამენტის წევრები, საქართველოში ევროსაბჭოს წარმომადგენლობის ხელმძღვანელი ქრისტიან ურსე, კულტურის სამინისტროს, საქართველოში ებრაული დიასპორის, კულტურისა და ბიზნესის სფეროს წარმომადგენლები.

მესამე წელია „ისრაელის სახლი“, საქართველოს განათლების, მეცნიერების, კულტურისა და სპორტის სამინისტროს წარდგინებით, კურირებს საქართველოში ებრაული კულტურული მემკვიდრეობის მარშრუტს. მარშრუტი სერტიფიცირებულია ევროსაბჭოსთან არსებული ებრაული კულტურისა და მემკვიდრეობის დაცვისა და ხელშეწყობის ევროპული ასოციაციის (AEPJ) მიერ.

ებრაული კულტურის ევროპული დღეებისადმი მიძღვნილი ღონისძიების ფარგლებში, მოეწყო „ისრაელის სახლის“ დაკვეთით გოგა ჩანადირისმიერ გადაღებული, საქართველოში ებრაული კულტურული მემკვიდრეობის ამსახველი ფოტოების გამოფენა.

„ისრაელის სახლის“ ხელმძღვანელის იციკ მოშეს თქმით, წელს ებრაული კულტურის ევროპული დღეები საიუბილეოა. ის ეევროსაბჭოსთან არსებული ებრაული კულტურისა და მემკვიდრეობის დაცვისა და ხელშეწყობის ევროპული ასოციაციის (AEPJ) ეგიდით უკვე მეოცე წელია აღინიშნება. საქართველოში კი ევროსაბჭოს მიერ სერტიფიცირებულ ებრაული კულტურული მემკვიდრეობის მარშრუტს, კულტურის სამინისტროს წარდგინებით, „ისრაელის სახლი“ კურირებს.

„მარშრუტი არის ეფექტიანი ინსტრუმენტი საქართველოსთვის ისრაელსა და მსოფლიო ებრაელობასთან ურთიერთობაში. საქართველოში ტურიზმის მხარდაჭერის კამპანიის ფარგლებში, ებრაული კულტურული მემკვიდრეობის მარშრუტით მსოფლიო ებრაელობიდან დაიწყო მაღალბიუჯეტიანი ტურისტების მოზიდვა, რომელთა რაოდენობაც, გვჯერა, კიდევ უფრო გაიზრდება“, - განაცხადა იციკ მოშემ და დასძინა , - „ისრაელის სახლის“ საქმიანობა ემსახურება ისრაელსა და მსოფლიო ებრაელობასთან საქართველოს ურთიერთობების გაღრმავებას. ის ორიენტირებულია ხვალინდელ დღეზე. არის წარმატეული თანამშრომლობა ტურიზმის, კულტურისა და ეკონომიკის სფეროებში და გვჯერა, რომ შეიძლება ბევრად მეტი გაკეთდეს“.

მისივე თქმით, ეს წელი საიუბილეოა საქართველო-მსოფლიო ებრაელობის ურთიერთობაშიც - ზუსტად 30 წლის წინ, საბჭოთა კავშირში მსოფლიო ებრაული სააგენტოს ხელმძღვანელის რანგში. მან ორგანიზება გაუკეთა მსოფლიო ებრაელობის ლიდერების ვიზიტს საქართველოში.

საპარლამენტო პარტია „ავოდას“თავმჯდომარის ამირ ფერეცის თქმით, ის საქართველოში ჩამოვიდა „ისრაელის სახლის“ საქმიანობის გასაცნობად და აპირებს, აგრეთვე, სიღრმისეულად შეისწავლოს ისრაელ-საქართველოს მომავალი ურთიერთობების მრავალმხრივი პერსპექტივები. „დღევანდელი დღე საქართველოსა და ისრაელის ურთიერთობაში ისტორიულია, რადგან აღვნიშნავთ 30-წლიანი ურთიერთობის იუბილეს. ამ 30-წლიანმა ურთიერთობამ საფუძველი ჩაუყარა მნიშვნელოვან კონტაქტებს. ორივე მხარებ ყველაფერი უნდა გავაკეთოთ, რომ საქართველოსა და ისრაელს შორის კავშირი გავაძლიეროთ“, - განაცხადა ამირ ფერეცმა.

„ისრაელის სახლის“ მმართველთა საბჭოს თავმჯდომარემ იამით მოსკოვიჩმა ისაუბრა ორგანიზაციის აქტიურ თანამშრომლობაზე ევროსაბჭოსთან არსებული ებრაული კულტურისა და მემკვიდრეობის დაცვისა და ხელშეწყობის ევროპულ ასოციაციასთან და საერთაშორისო ფორუმებში მონაწილეობაზე. მისი თქმით, ორ დღეში ის პრაღაში საერთაშორისო ორგანიზაციებსა და ევროპარლამენტარებს „ისრაელის სახლს“ წარუდგენს და მის საქმიანობაზე ისაუბრებს.

ღონისძიების მონნაწილეებს სიტყვით მიმართეს, აგრეთვე, საქართველოს პარლამენტში ისრაელთან მეგობრობის ჯგუფის წევრმა გრიგოლ მიქელაძემ, საქართველოში ევროსაბჭოს წარმომადგენლობის ხელმძღვანელმა ქრისტიან ურსემ, ქნესეთის ყოფილმა ვიცე-სპიკერმა ხილიკ ბარმა, განათლების, მეცნიერების, კულტურისა და სპორტის სამინისტროს წარმომადგენელმა თეონა ჯაყელმა და ისრაელის ქალთა პარლამენტის წარმომადგენელმა.

ღონისძიების მონაწილეებმა ნახეს დოკუმენტური ფილმი ისრაელის სახლის საქმიანობაზე, შესრულდა რამდენიმე ებრაული სიმღერა.

პირველი, რაც უნდა გავაკეთოთ, ვასწავლოთ ქართველებს, რომ დაისვენონ საქართველოში - გიორგი გახარია

5 ივნისი, 2020 , 17:15

საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის გან

საქართველოში ჰაერის ტემპერატურა 37 გრადუსამდე მოიმატებს

5 ივნისი, 2020 , 17:00

6 ივნისიდან 9 ივნისამდე საქართველოს ტერიტორიის უმეტეს ნაწილზე მოსალოდნელია ცხელი და უმეტესად უნალექო ამინდი. ინფორმაციას გარემოს ეროვნული სააგენტო ავრცელებს. მათივე ცნობით, მხოლოდ აღმოსავლეთ საქართველოს ცალკეულ რაიონში შ

ვარკეთილში სპეცოპერაცია დასრულებულია

5 ივნისი, 2020 , 17:00

ვარკეთილში სპეცოპერაცია დასრულებულია. მამაკაცი, რომელიც ბოლო რამდენიმე საათის განმავლობაში საკუთარ ბინაში იყო ჩაკეტილი და რომელმაც რამდენჯერმე უმისამართოდ გაისროლა, პოლიციას ჩაბარდა. როგორც საქართველოს შინაგან საქმეთა სა

ჩვენი ამოცანაა, ეკონომიკა ფრთხილად გავხსნათ, რათა მივეჩვიოთ, ადამიანებს ვუმკურნალოთ, მაგრამ ტურიზმიც, წარმოებებიც, რესტორნებიც ნელ-ნელა ავამუშაოთ - გიორგი გახარია

5 ივნისი, 2020 , 16:35

პირველ რიგში, მინდა, გითხრათ, რომ პატივია აქ ყოფნა. გვესმის, რომ განსაკუთრებით ტურიზმის სექტორში დასაქმებული ადამიანებისთვის ახლა მძიმე პერიოდია და არ არის მარტივი, – ამის შესახებ საქართველოს პრემიერ-მინისტრმა გიორ

ხილიანი ისტორიულ სახელს იბრუნებს

5 ივნისი, 2020 , 16:35

თბილისის საკრებულოს სახელდების და სიმბოლიკის კომისიის წევრებმა, საბურთალოს რაიონში, თბილისის ზოოლოგიური პარკის მიმდებარედ, ისტორიულად ჩამოყალიბებული უბნისთვის ხილიანის სახელის მინიჭების საკითხზე იმსჯელეს. კომისიის თავმჯდ

როგორც ჩანს, ისრაელი იქნება პირველი, საიდანაც შემოვიყვანთ ტურისტებს - გიორგი გახარია

5 ივნისი, 2020 , 16:00

როგორც ჩანს, ისრაელი იქნება პირველი, საიდანაც შემოვიყვანთ ტურისტებს. რა თქმა უნდა, ისრაელისთვის ორი ძირითადი მიმართულებაა საინტერესო, პირველ რიგში, ქუთაისი და შემდგომ ბათუმი ასევე, ამიტომ მზად უნდა ვიყოთ, – ამის შე

პირდაპირი TV

daily calendar

ვიდეო გალერეა

ქრისტე აღსდგა!