უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
„ამნესტი ინტერნეიშენალს“ სასამართლოს დამოუკიდებლობის გაუარესება აშფოთებს
საერთაშორისო უფლებადამცველმა ორგანიზაციამ „ამნესტი ინტერნეიშენალმა“ ყოველწლიურ ანგარიშში ადამიანთა უფლებების დაცვის კუთხით საქართველოში არსებულ სიტუაციაზე ისაუბრა.
ანგარიშის იმ ნაწილში, რომელიც საქართველოს ეხება, ყურადღება გამახვილებულია მოსამართლეებზე ზეწოლასა და მთავრობისთვის ხელსაყრელი სასამართლო გადაწყვეტილების მიღების ფაქტებზე. დოკუმენტის თანახმად, ორმაგი მიდგომა იკვეთება ოპოზიციურად განწყობილ და სამთავრობო ძალების მიმართ გამოტანილ განაჩენებში. კერძოდ, მოყვანილია თბილისის საქალაქო სამსართლოს 16 მაისის გადაწყვეტილება, როცა ირაკლი ალასანიას მიერ(რომელიც უკვე ოპოზიციაში იყო გადასული) დანიშნულ თავდაცვის სამინისტროს 6 მაღალჩინოსან ფულის გაფლანგვისთვის 7-წლიანი პატიმრობა მიუსაჯეს არსებითი მტკიცებულებების გარეშე. ასევე დასახელებულია „რუსთავი 2“-სა და ვანო მერაბიშვილის სასამართლო პროცესები, რომლებიც დარღვევებით მიმდინარეობს.
„ამნესტი ინტერნეიშენალის“ აზრით, შეკრების თავისუფლების უხეშ დარღვევად დასახელდა კორცხელის ინციდენტი, როცა 2016 წლის 22 მაისს „ერთიანი ნაციონალური მოძრაობის“ წევრებს აქციის დროს თავს დაესხნენ. ანგარიშში ნათქვამია, რომ პოლიციამ სათანადო ზომები არ მიიღო სიტუაციის გამოსასწორებლად.
მძიმე ვითარება შეინიშნება ლგბტ/ქვიარ პირთა უფლებების დაცვის კუთხით. „ამნესტი ინტერნეიშენალი“ ეყრდნობა ადგილობრივი უფლებადამცველების ინფორმაციას, რომ 2016 წელს ლგბტ/ქვიარ თემის ქალებზე არანაკლებ 35 თავდასხმა იყო განხორციელებული. მაგალითადაა მოყვანილი 23 ნომებერს გარდაცვლილი ტრანსგენდერი ქალი, რომელსაც 2 კაცი დაესხა თავს. საერთაშორისო ორგანიზაცია იზიარებს ომბუდსმენის შეშფოთებას, რომ ლგბტ/ქვიარ თემის პირების საქმეებზე ეფექტურ გამოძიებებს არ ატარებენ, არც დამნაშავეების პასუხისგებაში მიცემის პრაქტიკა არ არსებობს.
„ამნესტი ინტერნეიშენალმა“ გააკრიტიკა მთავრობა, რომ მან არ შექმნა დამოუკიდებელი მექანიზმები იმ სამართალდამცავების საქმეთა გამოსაძიებლად, რომლებსაც ადამიანთა უფლებების შელახვაში ადანაშაულებენ. ამის საილუსტრაციოდ მოყვანილია დემურ სტურუას მაგალითი, რომელიც პოლიციელის მხრიდან სავარაუდო მუქარისა და შანტაჟის გამო თავი მოიკლა.
ასევე „ამნესტი ინტერნეიშენალი“ შეეხო საქართველოს ოკუპირებულ ტერიტორიაზე შექმნილ ვითარებას. ანგარიშში წერია, რომ აფხაზეთისა და სამხრეთ ოსეთის ადმინისტრაციები, რუსული სამხედრო ძალის დახმარებით, ადამიანებს უზღუდავენ მოძრაობას ადმინისტრაციულ საზღვარზე. ხაზგასმულია, რომ საზრვარზე დაპატიმრებულ ხალხს აწამებდნენ. გარდა ამისა, თვითაღირებული რესპუბლიკების მიერ ადმინისტრაციული საზღვრის გამაგრების პერიოდში საზღვრისპირა ზონაში მცხოვრები ადამიანების ეკონომიკურ-სოციალური პირობები გაუარესდა, რადგან მოსახლეობა ნაწილობრივ ან საერთოდ ვერ იყენებდა თავის ბაღებს, ბოსტნებს, სახნავ-სათეს მიწებსა და საძოვრებს.
მსოფლიოში შექმნილი მდგომარეობის აღსაწერად ორგანიზაციამ ტერმინი - „დემონიზაციის პოლიტიკა“ შემოიტანა.
ანგარიშის ავტორების თქმით, 2016 წელს გლობალური პოლიტიკის მნიშვნელოვანი და გარდამტეხი ფაქტები იყო დონალდ ტრამპის გაპრეზიდენტება, ბრექსიტი, ახლო აღმოსავლეთის მიგრანტების მიმართ გატარებული პოლიტიკა, რაც „ამნესტი ინტერნეიშენალის“ თქმით, უარყოფითად იმოქმედა ადამიანთა უფლებებზე.
გარდა ამისა, „ამნესტი ინტერნეიშენალის“ მონაცემებით, იზრდება აგრესია პოლიტიკაში და ეს ტენდენცია მთელ მსოფლიოში იკვეთება, ხოლო 2016 წელს პოლიტიკოსების მიერ გამოყენებული „სიძულვილის ენა“ გამოყენების დონე 1930-იანი წლების პერიოდის შესაბამისია.
ანა მებურიშვილი