ამომრჩეველთა სიების დაზუსტების სახელმწიფო კომისიის თავმჯდომარის მამუკა კაციტაძის განცხადებით, მათ მიერ გაწეული მუშაობის შედეგების შემაჯამებელი ღონისძიება ხვალ „ქორთიარდ მარიოტში“ გაიმართება, რომელსაც დიპლომატიური კორპუსისა და საერთაშორისო ორგანიზაციების წარმომადგენლები დაესწრებიან.

მისი თქმით, კომისია პირველი აგვისტოდან ახალ ეტაპს დაიწყებს და სიებში შესწორებებს ამომრჩეველთა მიმართვების საფუძველზე შეიტანს. „ეს ეტაპი პირველ სექტემბრამდე გაგრძელდება. კომისია საბოლოო სიას კანონით გათვალისწინებულ ვადებში, არჩევნებამდე ორი კვირით ადრე წარმოადგენს“, – განაცხადა მამუკა კაციტაძემ.