უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
საზოგადოება
ამოქმედდა აპლიკაცია „უვნო“, რომელიც სურსათის სააგენტოს მიერ გამოვლენილ ხარვეზებს ასახავს
ევროპის ფონდმა სურსათის უვნებლობის აპლიკაცია „უვნო“ (uvno) შექმნა, რომელიც ხელმისაწვდომს ხდის სურსათის ეროვნული სააგენტოს მიერ საქართველოში მოქმედი სასურსათო ობიექტების ინსპექტირების შედეგებს 2016 წლიდან დღემდე.
აპლიკაციის მიზანია, სურსათის საწარმოებში არსებული მდგომარეობის შესახებ მომხმარებლის ინფორმირება, რათა მან გაცნობიერებული გადაწყვეტილება მიიღოს ობიექტში სურსათის შეძენის თაობაზე. მეორე მხრივ, აპლიკაცია ერთგვარი პლატფორმაა სამოქალაქო მონიტორინგისათვის, რათა მომხმარებლებს ჰქონდეთ ერთმანეთისათვის ინფორმაციის გაზიარების ქმედითი ინსტრუმენტი.
სურსათის ეროვნული სააგენტოს ინფორმაციით, აპლიკაცია „უვნო“ (uvno) შექმნილია, როგორც „აიოსის“ (IOS), ისე „ანდროიდის“ (Android) ოპერაციული სისტემისათვის და მისი გადმოწერა შესაძებელია „ეფლი სთორიდან“ (Apple Store) და „გუგლ პლეიდან“ (Google Play). მომხმარებელს აპლიკაციაში მარტივად შეუძლია, მოძებნოს მისთვის სასურველი სურსათის ობიექტი, დასახელების, მისამართის ან წარმოების ტიპის მიხედვით და გაეცნოს ობიექტის სახელმწიფო კონტროლის შედეგებს. აპლიკაციაში ჩანს, რამდენად იცავს ობიექტი სურსათის უვნებლობის სტანდარტებს. შეუსაბამობის შემთხვევაში, აპლიკაციაში ხელმისაწვდომია ინფორმაცია იმის თაობაზეც, თუ რამდენი კრიტიკული ან არაკრიტიკული შეუსაბამობა იყო დაფიქსირებული კონკრეტულ ობიექტზე.
გარდა სურსათის ეროვნული სააგენტოს მონაცემებისა, აპლიკაცია თავს მოუყრის მომხმარებლის შეფასებებსა და კომენტარებსაც. ის საშუალებას აძლევს მომხმარებელს, თავად შეაფასოს სასურსათო ობიექტი – ასახოს ეს შეფასება ვარსკვლავების მინიჭებით ან დატოვოს კომენტარი კონკრეტული საწარმოს გვერდზე.
„გარდა იმისა, რომ აპლიკაციას საინფორმაციო მნიშვნელობა აქვს მომხმარებლისთვის, ის სამოქალაქო აქტიურობისა და თანამონაწილეობისათვის შექმნილი პლატფორმაა, რათა ჩვენ ყველა ერთად ჩავერთოთ სურსათის უვნებლობის სტანდარტების დამკვიდრებაში, რაც საბოლოო ჯამში ჩვენი და ჩვენი ოჯახების ჯანმრთელობაზე აისახება,“- განაცხადა ევროპის ფონდის პრეზიდენტმა, ქეთევან ვაშაკიძემ.