სამართალი

ან გამოძიებამ გაასაჯაროოს მამა გიორგი მამალაძის 33-ფურცლიანი ჩვენება, ან მე მომცენ ამის უფლება - ადვოკატი

დეკანოზი გიორგი მამალაძე რატომ საუბრობს მრავლობითში, ასევე ის, თუ რატომ საუბრობს ”მარილზე გაშვებაზე”, პროკურატურისთვის მიცემულ ჩვენებაში საუბრობს და ყველა კითხვაზე პასუხი არის გაცემული, - განუცხადა ჟურნალისტებს დეკანოზ გიორგი მამალაძის ადვოკატმა გიორგი ფანცულაიამ.

ე.წ. ციანიდის საქმეზე დაკავებულის ინტერესების დამცველის თქმით, ის კიდევ ერთხელ მოითხოვს, რომ გასაჯაროვდეს საგამოძიებო უწყების მიერ დეკანოზ გიორგი მამალაძის დაკითხვა, რადგან პასუხი გაეცეს ყველა კითხვას.

” მამა გიორგი მამალაძემ როდესაც ჩვენება მისცა, კითხვა იყო დასმული თუ ვის გულისხმობდა აუდიოჩანაწერში, როდესაც ამბობდა ტკბილეულს არ ჭამდა, რომელზეც პასუხი გაეცა. ასევე დაკითხვის დროს, შეკითხვა იყო დასმული, თუ ვისზე საუბრობდა ის მრავლობითში. მე მოვითხოვ, რომ ან გამოძიებამ გაასაჯაროოს მამა გიორგი მამალაძის 33-ფურცლიანი ჩვენება, ან მე მომცენ ამის უფლება”, - განაცხადა ფანცულაიამ.

მისივე თქმით, დაკითხვა, რომელიც 13 მარტს, 10:00 საათიდან გაგრძელდება.

ნინო ექვთიმიშვილი