სამართალი
ანა მარგველაშვილი მიხეილ თათარაშვილზე: ჩვენ გვაქვს მტკიცებულებები, რომ მისი უდანაშაულობა დავამტკიცოთ
თბილისის საქალაქო სასამართლოში პრეზიდენტის სიძის მეგობრის, მიხეილ თათარაშვილის პროცესი გაიმართა.
დღევანდელ სხდომაზე მხარეებმა შესავალი სიტყვები წარადგინეს. ბრალდების მტკიცებით, თათარიშვილს 18 აბი სუბოტექსი ამოუღეს, დაცვის მხარის განმარტებით, კი, თათარიშვილს ნარკოტიკები ჩაუდეს.
არსებითი განხილვის პირველ სასამართლო პროცესს პრეზიდენტ გიორგი მარგველაშვილის შვილი, ანა მარგველაშვილიც ესწრება, თუმცა მას დარბაზი დაატოვებინეს, ვინაიდან აღნიშნულ საქმეზე მოწმის სტატუსით უნდა დაიკითხოს.
როგორც ანა მარგველაშვილმა ჟურნალისტებს განუცხადა, მიხეილ თათარიშვილს 18 აბი სუბოტექსი ჩაუდეს და ის უდანაშაულოა.
"ვერაფრით ვერ დაამტკიცებენ მის ბრალდებას. ჩვენ გვაქვს მტკიცებულებები, რომ მისი უდანაშაულობა დავამტკიცოთ", - განაცხადა ანა მარგველაშვილმა.
მიხეილ თათარიშვილი ნარკოდანაშაულის ბრალდებით, 15 მარტს დააკავეს.
ნინო ექვთიმიშვილი