კომენტარი

ანა ნაცვლიშვილი ადასტურებს, რომ სახალხო დამცველის თანამდებობაზე მისი კანდიდატურა განიხილება

სახალხო დამცველის თანამდებობაზე ახალგაზრდა იურისტთა ასოციაციის თავმჯდომარის, ანა ნაცვლიშვილის კანდიდატურა განიხილება.

,,რადგან ცალცალკე არაერთი ადამიანი და მედიასაშუალება მეკითხება, აქ დავწერ საჯაროდ: ვადასტურებ, რომ განიხილება ჩემი კანდიდატურა სახალხო დამცველის პოზიციაზე. ძალიან სასიამოვნოა, რომ ჩემთვის საპატივსაცემო არაერთმა ადამიანმა და ჯგუფმა მომიაზრა ამ პოზიციაზე. მზად ვარ მივიღო ეს გამოწვევა და გადაწყვეტილების მიმღებ ორგანოს (პარლამენტს) თუ ფართო საზოგადოებას უფრო დეტალურად ვესაუბრო ჩემს ხედვებსა და მიზნებზე - შესაბამის ფორმატში“, - წერს ანა ნაცვლიშვილი ფეისბუქის პირად გვერდზე.