რეგიონები

„ანზორ ბოლქვაძე არის ბიძინა ივანიშვილის მონა` - ხულოში საპროტესტო აქცია გაიმართა

ხულოში, საქართველოს პარლამენტის მაჟორიტარი დეპუტატის, ანზორ ბოლქვაძის ბიუროსთან "ერთიანი ნაციონალური მოძრაობისა" და არასამთავრობო ორგანიზაცია "ალტერნატივას" წევრებმა საპროტესტო აქცია გამართეს, შეძახილებით - "მონა" .

აქციის მონაწილეებს ადგილზე "ქართული ოცნების" აქტივისტები ცოცხებით დახვდნენ და წინა ხელისუფლების მმართველობის პერიოდი შეახსენეს.

მხარეები ერთმანეთს სიტყვიერად დაუპირისპირდნენ. ადგილზე მობილიზებული იყო პოლიცია.

"ჩვენ ვითხოვთ პროპორციულ საარჩევნო სისტემას. მშვიდობიანი საპროტესტო აქცია გვქონდა. შენობაში არ შეგვიშვეს, ისინი „ოცნების“ „ტიტუშკები“ არიან. რამდენჯერმე ხელით შეგვეხნენ და აგრესია გამოხატეს. ანზორ ბოლქვაძეს იმიტომ უდგანან გვერდში, რომ ამისთვის 20 ლარი გადასცენ. ანზორ ბოლქვაძე არის ბიძინა ივანიშვილის მონა", - განაცხადა აქციის მონაწილე ხათუნა ბერიძემ.