ეკონომიკა

აქციზის ზრდა ნავთპროდუქტებზე ფასების ზრდას იწვევს და ეს თავის მხრივ, იწვევს პროდუქტებზე ფასების ზრდას - ელენე ხოშტარია

ნაციონალური მოძრაობის წევრის ელენე ხოშტარიას განცხადებით, მთავრობის მიერ გუშინ წარმოდგენილი 4-პუნქტიანი გეგმა, მიმართულია ადამიანების პრობლემების კიდევ უფრო გაღრმავებაზე.

ამის შესახებ ხოშტარიამ მედიასთან 2017 წლის სახელმწიფო ბიუჯეტის პროექტზე საუბრისას განაცხადა.

„სამწუხაროდ, წარმოდგენილი გეგმა არის პრობლემების კიდევ უფრო გაღრმავება, ადამიანების გაღარიბების კიდევ უფრო დამძიმება, იმიტომ, რომ ეს ინიციატივები რეალურად, ფაქტიურად, გუშინ აღიარეს კიდევაც, რომ ხელს შეუწყობს ფასების ზრდას; იმიტომ, რომ აქციზის ზრდა პირდაპირ ნავთპროდუქტებზე ფასების ზრდას იწვევს და ეს თავის მხრივ, იწვევს პროდუქტებზე ფასების ზრდას. ამიტომ ეს კიდევ უფრო დაამძიმებს მოსახლეობის მდგომარეობას“,-აღნიშნა ხოშტარიამ.

მონიკა დავლიანიძე