უკან

პოლიტიკა

11 მაისი, 2018 16:25
font-size

არ არსებობს ექსპერტის „პირველადი“ ან „შუალედური“ დასკვნები - სასამართლო ექსპერტიზის ეროვნული ბიურო ტატუნაშვილის ცხედრის ექსპერტიზაზე

სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ არჩილ ტატუნაშვილის ცხედრის ექსპერტიზის პროცედურებზე განმარტება გააკეთა.

გავრცელებულ განცხადებაში ბიურომ განმარტა, რომ ის არ ამზადებს „პირველად“ ან „შუალედურ“ დასკვნებს, ხოლო საბოლოო დასკვნას ექსპერტი კვლევების დასრულების შემდგომ ამზადებს.

„უპირველეს ყოვლისა, გვინდა განვაცხადოთ, რომ არჩილ ტატუნაშვილის გარდაცვალება ისეთივე ტრაგედიაა ექსპერტიზის ბიუროს თითოეული თანამშრომლისა და ექსპერტისთვის, როგორც საქართველოს თითოეული მოქალაქისთვის.

რამდენიმე განმარტება გვინდა გავაკეთოთ ექსპერტიზის პროცედურებთან დაკავშირებით. მაღალი საზოგადოებრივი ინტერესის მქონე, რეზონანსულ საქმეებთან დაკავშირებით ხშირად და განსაკუთრებით ბოლო პერიოდში საზოგადოების მიერ ისმის კითხვები, რატომ არ მზადდება „პირველადი“, „შუალედური“ დასკვნები.

ექსპერტის დასკვნა არის სპეციალური ცოდნით აღჭურვილი პირის (ექსპერტის) მიერ შესაბამისი კვლევის ჩატარების საფუძველზე მომზადებული წერილობითი დოკუმენტი, რომელიც პასუხს იძლევა ექსპერტის წინაშე დასმული კითხვების თაობაზე. აღნიშნული კი შესაძლებელია მხოლოდ საჭირო კვლევების სრულად დასრულების შემთხვევაში.

ექსპერტიზა ტარდება დამკვეთის მიერ წარმოდგენილ მასალაზე დაყრდნობით. ამდენად, არ არსებობს „პირველადი“, „შუალედური“ ექსპერტის დასკვნები. ექსპერტიზის პროცესში საჭირო კვლევების სრულად დასრულებისა და გაანალიზების შემდგომ მზადდება ექსპერტის დასკვნა. ექსპერტის დასკვნის დასრულების შემდგომ დამკვეთის მოთხოვნით შესაძლებელია დაინიშნოს დამატებითი ან განმეორებითი ექსპერტიზა“, – აღნიშნულია განცხადებაში.

ამასთან, ექსპერტიზის ეროვნულ ბიუროში განმარტეს, რომ გამოძიების ფარგლებში დანიშნული ექსპერტიზების დასკვნა ეკუთვნის საგამოძიებო ორგანოებს და ბიურო არ არის უფლებამოსილი, საჯარო კომენტარი გააკეთოს კონკრეტულ საქმეებზე.

„ასევე, გვინდა განვმარტოთ, რომ ექსპერტიზის დასკვნა ეკუთვნის დამნიშნავს. გამოძიების ფარგლებში დანიშნული ექსპერტიზების დასკვნა ეკუთვნის საგამოძიებო ორგანოებს. ლევან სამხარაულის სასამართლო ექსპერტიზის ეროვნული ბიურო არ არის უფლებამოსილი, რაიმე სახის განმარტება, კომენტარი გააკეთოს საჯაროდ კონკრეტულ საქმეებთან დაკავშირებით, ან ექსპერტიზასთან დაკავშირებული ინფორმაცია გადასცეს არადამნიშნავ პირს/ორგანიზაციას კანონით დადგენილი შემთხვევების გარდა.

გვინდა, ხაზგასმით აღვნიშნოთ, რომ ექსპერტიზის ეროვნული ბიუროს ექსპერტები არიან ძალიან მაღალი კლასის პროფესიონალები, მაგრამ უპირველეს ყოვლისა, არიან საქართველოს მოქალაქეები, მაღალი მოქალაქეობრივი პასუხისმგებლობის მქონე ადამიანები და ყველა ის საკითხი, რომელიც მნიშვნელოვანია ჩვენი თანამოქალაქეებისთვის, ასევე მნიშვნელოვანი, მტკივნეული და პრიორიტეტულია ბიუროს ექსპერტებისთვისაც.

კიდევ ერთხელ დიდ გულისტკივილს გამოვთქვამთ არჩილ ტატუნაშვილის ტრაგიკული დაღუპვის გამო და ჩვენი მხრივ, გვინდა დავარწმუნოთ საზოგადოება, რომ როგორც ამ შემთხვევაში, ისევე სხვა ექსპერტიზების მიმართ ბიუროს ექსპერტები თავისი მაღალი პროფესიონალიზმის გათვალისწინებით აკეთებენ ყველაფერს, რათა მოამზადონ საერთაშორისო სტანდარტების შესაბამისი, უტყუარი და მაღალკვალიფიციურ ექსპერტიზის დასკვნები“, – აღნიშნულია ბიუროს განცხადებაში.

არჩილ ტატუნაშვილი საქართველოს ორ მოქალაქესთან ერთად ოკუპირებულმა ძალებმა 22 თებერვალს გაიტაცეს. მომდევნო დღეს ოსურ მედიაში გავრცელდა ინფორმაცია მისი დაღუპვის შესახებ. ტატუნაშვილის ცხედარი ოჯახს თუთქმის ერთი თვის შემდეგ, 20 მარტს გადასცეს.

კონსოლიდაცია თბილისში, კონკურენცია რეგიონებში - დავით ბერძენიშვილის `გამარჯვების ფორმულა` ოპოზიციას

6 ივნისი, 2020 , 17:15

"რესპუბლიკურმა პარტიამ" საპარლამენტო არჩვენებში, ოპოზიციის "გამარჯვების ფორმულა" წარადგინა. დავით ბერძენიშვილის განმარტებით, იმისათვის, რომ მაჟორიტარული ოლქები ოპოზიციამ მოიგოს, აუცილებელია თბილისში ოპოზიციის ერთიანი კან

დიდი ალბათობით მაჟორიტარი ვიქნები – გიგა ბოკერია

6 ივნისი, 2020 , 16:25

გარკვეული გეგმები უკვე გვაქვს, მაგრამ აქ შეიძლება კორექტივები შევიდეს შეთანხმებიდან გამომდინარე, – ამის შესახებ „ევროპული საქართველოს“ ერთ-ერთი ლიდერი გიგა ბოკერია აცხადებს. „წინა შედეგებიდან გამო

ივანიშვილის მთელი ხროვა პასუხს აგებს საქარველოს ტერიტორიათა გაცემა-გასხვისებისათვის - შალვა ნათელაშვილი

6 ივნისი, 2020 , 15:00

პრეზიდენტმა ალიევმა, ნაცვლად იმისა, რომ ოკუპირებული მთიანი ყარაბახის საკითხზე იბრძოლოს, ამის საკომპენსაციოდ ქართველებს წაგვართვა სალოცავები, რათა ამომრჩევლებში იტრაბახოს, ის ვერ დაგიბრუნეთ, მაგრამ საქართველო დავჩაგრეო, -

საქართველოსა და სომხეთის საგარეო საქმეთა მინისტრებს შორის COVID-19-ის პანდემიასთან დაკავშირებით მორიგი კომუნიკაცია შედგა

5 ივნისი, 2020 , 17:15

დღეს გაიმართა საქართველოს საგარეო საქმეთა მინისტრის დავით ზალკალიანის სატელეფონო საუბარი სომხეთის რესპუბლიკის საგარეო საქმეთა მინისტრთან ზოჰრაბ მნაცაკანიანთან. სომეხმა კოლეგამ საქართველოს საგარეო საქმეთა მინისტრს მადლობა

იყო განხილული ჩემი კანდიდატურა თბილისის მაჟორიტარებს შორის - გიორგი ვაშაძე

5 ივნისი, 2020 , 16:35

გიორგი ვაშაძე დარწმუნებულია, რომ თბილისის მაჟორიტარულ ოლქებიდან ერთ-ერთში ოპოზიციის მხრიდან სწორედ "ახალი საქართველოს" კანდიდატი იქნება წარდგენილი. მისი თქმით, განიხილება მისი კანდიდატურა. ამის შესახებ "ახალი საქართველოს

არ ვაპირებ თავი მოვატყუებინო და ჭკუაში მოგვიგოს ბიძინა ივანიშვილმა იმით, რომ საფრთხობელად უნდა მუდმივად გამოიყენოს სააკაშვილის დაბრუნება - ნინო ბურჯანაძე

5 ივნისი, 2020 , 16:35

"არ არის გამორიცხული, რომ ყველა ოლქში შეთანხმება ვერ შედგეს და ჩვენც ყველა ოლქში არ დავუჭიროთ მხარი კანდიდატურებს, მაგრამ ესეც არ არის კატასტროფა,” - ამის შესახებ "ერთიანი საქართველო - დემოკრატიული მოძრაობის" თავმჯ

პირდაპირი TV

daily calendar

ვიდეო გალერეა

ქრისტე აღსდგა!