კომენტარი

არ გამიკვირდება რომ ხვალ რუსეთთან დაიწყონ მიხეილ სააკაშვილის საკითხსზე თანამშრომლობა - ბექა ბასილაია

საქართველოს ექს-პრეზიდენტის მიხეილ სააკაშვილის ადვოკატის ბექა ბასიალაიას შეფასებით, საქართველოს პროკურატურის მოთხოვნას სააკაშვილის ექსტრადირებასთან დაკავშირებით - სამართლებრივ პროცედურასთან კავშირი არ აქვს.

მისი თქმით, მიმდინარე პროცესი სააკაშვილის მიერ გაცხადებულ გეგმას უკავშირდება, რომ იგი 10 სექტემბერს უკრაინაში დაბრუნებას აპირებს.

„არც ერთი ცივილიზებული, დემოკრატიული სახელმწიფო არ თანამშრომლობს საქართველოს პროკურატურასთან, იმიტომ რომ იციან ეს ჯიბის ოლიგარქიული პროკურატურაა. ხოლო პოროშენკოს მთავრობა და ივანიშვილის ოლიგარქიული რეჟიმი, ეს ორი წარმონაქმნი, ერთმანეთთან თანამშრომლობს. ჩვენ არ გვიკვირს, რომ ეხლა კვლავ გაიგზავნა ექსტრადიციის მოთხოვნა, იმიტომ რომ ეს ცალსახად უკავშირდება 10 სექტემბერს და არანაირი კავშირი არ აქვს ამ ფაქტს სამართლებრივ პროცედურებთან.

ინტერპოლმა ჯერ კიდევ რამდენიმე წლის წინ საქართველოს პროკურატურას და ისუტიციის სამინისტროს საბუთები უკან შემოუყარა, რომლებიც ითხოვდნენ ძებნის გამოცხადებას. ერთადერთი სახელმწიფო, რომელთანაც ბოლო პერიოდის მანძილზე საქართველოს მთავრობა ახერხებს თანამშრომლობას მიხეილ სააკაშვილის ექსტრადიციასთან დაკაშირებით უკრაინაა, თანაც მას შემდეგ რაც სააკაშვილი პეტრო პოროშენკოს ოპოზიციაში გადავიდა. არ გამიკვირდება რომ ხვალ რუსეთთან დაიწყონ ამ საკითხზე თანამშრომლობა“,-აღნიშნა ბასიალაიამ.

დღეს, უკრაინის იუსტიციის მინისტრის მოადგილემ განაცხადა, რომ საქართველოს პროკურატურისგან მიხიელ სააკაშვილის ექსტრადირებასთან დაკავშირებით მოთხოვნა მიიღო.

მონიკა დავლიანიძე