პოლიტიკა

არ გცხვენია, თეა, აქ ამას რომ ლაპარაკობ? - ეკა გიგაური თეა წულუკიანს

„საერთაშორისო გამჭვირვალობა - საქართველოს“ აღმასრულებელი დირექტორი ეკა გიგაური იუსტიციის მინისტრის თეა წულუკიანის მიერ დანიაში, ანტიკორუფციულ კონფერენციაზე გაკეთებულ განცხადებას გამოეხმაურა.

გიგაურის განცხადებით, მუდმივად არავინ არაა მთავრობაში და ოდესმე ამჟამინდელი ხელისუფლების წევრებს მისი ორგანიზაციის დახმარება დასჭირდება.

„არ გცხვენია, თეა, აქ ამას რომ ლაპარაკობ? ზუსტად იცი, რომ პატივის, ღირსებისა და საქმიანი რეპუტაციის შელახვისთვის მე ვუჩივლე თქვენს სატელიტებს. ვიცოდი, რომ თქვენგან იმართებოდნენ, მაგრამ ახლა ნამდვილად დავრწმუნდი ამაში. მუდმივად არავინაა მთავრობაში და მაინც მოგიწევთ ჩემთან მოსვლა, როდესაც თქვენი უფლებები დაირღვევა, როგორც ამას 2012 წელს აკეთებდით.

პ.ს. ბოტებს თუ არ მომიგზავნი, დიდად დამავალებ“, - განაცხადა გიგაურმა.

იუსტიციის მინისტრმა დანიაში ყოფნისას განაცხადა, რომ გიგაური , სავარაუდოდ, მონაწილეობდა მშვიდობიანი მანიფესტაციის დარბევის ხელშეწყობაში, თუმცა დღემდე სასამართლოში არ გამოცხადებულა.