საზოგადოება

არ მინდა პატრიარქი და სასულიერო პირები დაზარალდნენ - იან კელი ე.წ. ციანიდის საქმეზე

ამერიკის შეერთებული შტატების ელჩი იან კელი ე.წ. ციანიდის საქმეს გამოეხმაურა. კელი იმედოვნებს, რომ გამოძიება სამართლიანად ჩატარდება, ხოლო პატრიარქი და სასულიერო პირები ამ საქმის გამო არ დაზარალდებიან.

„მე არ ვიცი საქმის დეტალები, ძალიან საწყენია ეს ვითარება. რა თქმა უნდა, მხარს ვუჭერ პატრიარქს და არ მინდა ზიანი მიადგეს მას ან ვინმეს საქართველოს მართლმადიდებლურ ეკლესიაში. იმედი მაქვს, გამოძიება სამართლიანად ჩატარდება“, - კელის კომენტარს „ქრონიკა“ ავრცელებს.

დეკანოზი გიორგი მამალაძე 10 თებერვალს დააკავეს. პროკურატურის მიერ მიღებული ინფორმაციით, ის მაღალი სასულიერო პირის მოწამვლას გეგმავდა.

ანა მებურიშვილი