უკან

უახლესი ამბები

დღის კალენდარი

ანონსები

არქივი

საზოგადოება

17 თებერვალი, 2017 17:30
font-size

არ შეიძლება ეკლესია იყოს ოფშორი, სადაც ბიზნესმენები თავს არიდებენ გადასახადების გადახდას - კონსტანტინე გამსახურდია

„ინტერპარტიული ჯგუფის“ წევრის, კონსტანტინე გამსახურდიას განცხადებით, ე.წ. „ციანიდის საქმის“ გარშემო შექმნილი ვითარება უნდა დასრულდეს.

„ვერაფერი გავიგეთ, არის მხოლოდ ვარაუდები, კონტურები ღრუბლებშიც არ იკვეთება, რაზეა საუბარი. თუ პროკურატურა ასე გააგრძელებს, ბოლოს ადამიანებს ის შთაბეჭდილება დარჩებათ, რომ მოძღვარს მიჰქონდა სვანური მარილი. ეს ყველაფერი თავიდანვე იყო გასაიდუმლოებული და, ვითომ, გამოძიების ინტერესებიდან გამომდინარე არ ახმაურებდნენ. არც საზოგადოება არ ჩააყენეს საქმის კურსში. ადვოკატიც რომ ადვოკატია, ისიც ვერაფერს ამბობს. ეს ყველაფერი უნდა დასრულდეს“, - თქვა გამსახურდიამ დღევანდელ პრესკონფერენციაზე.

გამსახურდიას თქმით, „ციანიდის საქმით“ ცდილობენ სხვა საკითხების გადაფარვას.

„პიარეფექტური მასალაა ციანიდი, პიარეფექტურია შორენაც. ამით ხდება ალბათ იმის გადაფარვა, რომ სახელმწიფო ცდილობს, გახსნას ეს სფერო [საპატრიარქო]. და თუ ამას აპირებს, ეს ძალიან კარგია, მაგრამ ამ მეთოდებით გახსნა, გაუგებარი და ბუნდოვანია“, - განაცხადა გამსახურდიამ.

გამსახურდია არ გამორიცხავს, რომ გამოძიების დროს გამოვლინდებიან პატრიარქობის მომავალი კანდიდატები.

„ფაქტობრივად ამან [„ციანიდის საქმემ“] გახსნა საპატრიარქო კამპანია. აქ, ალბათ, რამდენიმე კონკურენტი გამოვა წინა პლანზე, რომელთა ჩამოთვლისგან მე თავს შევიკავებ“, - თქვა გამსახურდიამ.

რაც შეეხება საპატრიარქოში აუდიტის ჩატარების მოთხოვნას, გამსახურდია ამას ემხრობა და აღნიშნავს, რომ სახელმწიფომ უნდა მიანიჭოს კონკრეტული სტატუსი მართლმადიდებლურ ეკლესიას.

„უპირველეს ყოვლისა, კითხვის ნიშანი არ დგას იმაზე, რომ ეს შეეხება მართლმადიდებლობას, როგორც სახელმწიფო რელიგიას. მართალია, ჩვენ ეს სტატუსი არ გვაქვს საბერძნეთისგან განსხვავებით, სადაც მართლმადიდებლობა პირდაპირაა სახელმწიფო რელიგიად აღიარებული. შესაბამისად, საბერძნეთის ხელისუფლება ფინანსურადაც აკონტროლებს მას, ანუ აუდიტის საშუალებით შედის საბერძნეთის ეკლესიაში. ჩვენთან ეს არ არის. სახელმწიფო არც ინტერესდება იმ თანხებით, რასაც ბიუჯეტი უხდის ეკლესიას. ეს ასე არ უნდა იყოს და უნდა განისაზღვროს კონკრეტული სტატუსი და ახალი ურთიერთობები დამყარდეს, რადგან არ შეიძლება, ეკლესია იყოს ოფშორი, სადაც ბუდობენ ის ბიზნესმენები, რომლებიც თავს არიდებენ გადასახადების გადახდას. გონივრული ეჭვიც არსებობს, რომ ბევრია ასეთი ბიზნესმენი, რომლებიც ამოფარებულნი არიან ეკლესიას და სარგებლობენ ცალკეული მეუფის მფარველობით. ამას უნდა მოეღოს ბოლო და კარგს იზამს ხელისუფლება და ბიძინა ივანიშვილი, თუ ამას მოუღებენ ბოლოს“, - განაცხადა გამსახურდიამ.

რაც შეეხება ეკლესიის დაფინანსების საკითხს, გამსახურდიამ განაცხადა, რომ ის უნდა დარჩეს, მაგალითად კი შვეიცარულ სისტემას ასახელებს.

„დაფინანსება შეიძლება დარჩეს. მე მომხრე ვარ შვეიცარული მოდელის, სადაც სამღვდელო პირები პირდაპირ სახელმწიფოსგან იღებენ დაფინანსებასაც და ხელფასსაც და ცალკე რელიგიურ გადასახადებსაც იხდიან. და რატომ არ უნდა იყოს ეს საქართველოში?“ - აღნიშმა კონსტანტინე გამსახურდიამ.

ანა მებურიშვილი

არ გამოვრიცხავ „გირჩის“ ბრალდების უკან გარკვეული ძალების მიერ ჩვენი ცენტრის პრივატიზების სურვილი იდგეს - ლაშა კილაძე

21 თებერვალი, 2017 , 18:15

შპს „ფსიქიკური ჯანმრთელობისა და ნარკომანიის პრევენციის ცენტრის“ ხელმძღვანელი, ლაშა კილაძე არ გამორიცხავს, რომ ახალი პოლიტიკური ცენტრ „გირჩის“ ბრალდება მისი და სოციალური მომსახურების სააგენტოს ხელმ

ერთობლივი გამოძიება უნდა შედგეს სახელმწიფოსი და ეკლესიისა და ხალხს უნდა მივცეთ პასუხი - პატრიარქი

21 თებერვალი, 2017 , 18:15

საქართველოს კათოლიკოს-პატრიარქმა ილია მეორემ საქართველოს პრეზიდენტთან და წმინდა სინოდის წევრებთან გამართულ შეხვედრაზე განაცხადა, რომ შექმნილი ვითარების მსგავსი, საქართველოს ეკლესიას არ ახსოვს და რომ ამ პრობლემის მოგვარებ

სემეკი ბუნებრივი გაზის სექტორში ახალი სატარიფო განაცხადების განხილვას იწყებს

21 თებერვალი, 2017 , 16:30

სემეკში ბუნებრივი გაზის სექტორში ახალი სატარიფო განაცხადების განხილვა იწყება. როგორც სემეკის წევრმა, გოჩა შონიამ ჟურნალისტებს განუცხადა, ბუნებრივი გაზის სექტორში ტარიფები 2005 წლის შემდეგ არ გადათვლილა. „კომისია იწ

„ბავშვთა სამყაროს“ დაზარალებული მოვაჭრეები შიმშილობა დაიწყეს

21 თებერვალი, 2017 , 16:30

„ბავშვთა სამყაროში“ გაჩენილი ხანძრის შედეგად დაზარალებულმა მოვაჭრეები შენობის მიმდებარე ტეროტირიაზე კარავი გაშალეს და შიმშილობა დაიწყეს. მოვაჭრეები ითხოვენ მიყენებული ზარალის კომპენსაციის გადახდას, ასევე ბანკ

დევნილთა და განსახლების მინისტრის პირველმა მოადგილემ სახალხო დამცველის რეკომენდაციების შესრულების ანგარიში წარადგინა

21 თებერვალი, 2017 , 15:30

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველმა მოადგილემ გრიგოლ გიორგაძემ, პარლამენტში, ადამიანის უფლებათა დაცვისა და სამოქალაქო ინტეგრაციის კომიტეტზე, ს

კულტურული მემკვიდრეობის ძეგლს „ათეშგა“ ეროვნული მნიშვნელობის კატეგორია განესაზღვრა

21 თებერვალი, 2017 , 15:30

საქართველოს კულტურისა და ძეგლთა დაცვის სამინისტროს ინიციატივითა და საქართველოს მთავრობის გადაწყვეტილებით, 21 თებერვალს, კულტურული მემკვიდრეობის ძეგლ „ათეშგას“ ეროვნული მნიშვნელობის კატეგორია განესაზღვრა. ათეშ