უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
არქივი
პოლიტიკა
არ ვაპირებ პროცენტის გადახდას, რადგან არჩევნებზე 10 %-ს კი არა, 70 %-ს ავიღებ - სალომე ზურაბიშვილი „ქართუდან“ აღებულ სესხზე
„არ ვაპირებ ვალის პროცენტის გადახდას, რადგან არჩევნებზე 10 %-ს კი არა, 70 %-ს ავიღებ“,– ამის შესახებ „ქართული ოცნების“ მირ მხარდაჭერილმა პრეზიდენტობის კანდიდატმა, სალომე ზურაბიშვილმა ჟურნალისტებს ბანკი „ქართუდან“ სესხის აღების საკითხზე საუბრისას განუცხადა.
„არ ვაპირებ პროცენტის გადახდას, რადგან არჩევნებზე 10 %-ს კი არა, 70 %-ს ავიღებ. დამოუკიდებელი ვარ, ბანკი „ქართუ“ დამოუკიდებელია და სესხი ჩემით ავიღე. ამ სესხის პროცენტებსაც არ გადავიხდი, რადგან მივიღებ ბევრად მეტს, ვიდრე ის 10 პროცენტი“,-აღნიშნა ზურაბიშვილმა.
ზურაბიშვილმა კომერციული ბანკი „ქართუდან“, მილიონი ლარი ისესხა. შესაბამისი ინფორმაცია კანდიდატის ფინანსურ ანგარიშგებაშია მითითებული, რომელიც აუდიტის სამსახურის საიტზე გამოქვეყნდა და 12 სექტემბრიდან 2 ოქტომბრის ჩათვლით პერიოდს მოიცავს.
საარჩევნო კოდექსის მიხედვით, საარჩევნო სუბიექტი, რომელიც საპრეზიდენტო არჩევნების პირველ ტურში არჩევნებში მონაწილე ამომრჩეველთა ხმების 10%-ს ან მეტს მიიღებს, საქართველოს სახელმწიფო ბიუჯეტიდან ერთჯერადად არაუმეტეს 1 000 000 ლარის მიღების უფლება აქვს – არჩევნების საარჩევნო კამპანიისას გაწეული ხარჯების დასაფარავად.
კანონმდებლობის ამ მუხლით 2016 წელს პარტია „ქართულმა ოცნებამ“ ისარგებლა, რომელმაც მილიონი ლარი ბანკი „ქართუსგან“ ისესხა.
სალომე ზურაბიშვილის კამპანიის ფინანსური ანგარიშგების მიხედვით, კანდიდატის საარჩევნო ფონდიდან 1.89 მილიონი ლარი დაიხარჯა, მათ შორის 1.43 მილიონი – რეკლამაზე. 12 სექტემბრიდან 2 ოქტომბრის პერიოდში პრეზიდენტობის კანდიდატმა 1.087 მილიონი ლარის ფულადი შემოწირულობაც მიიღო.