უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
სამართალი
არ ვეთანხმებით იმას, რომ თაღლითობასთან გვაქვს საქმე - მაია რჩეუშვილის ადვოკატი
სამშენებლო კომპანია ცენტრ პოინტის დამფუძნებლების მაია რჩეულიშვილისა და რუსუდან კერვალიშვილის ადვოკატი, საქალაქო სასამართლოს მიერ მიღებულ გადაწყვეტილებას სააპელაციო სასამართლოში გაასაჩივრებს.
მარიამ ცუცქირიძე არ ეთანხმება სასამართლოს იმაში, რომ „ამხანაგობა თაბუკაშვილის 88“-ის საქმეში თაღლითობა არსებობს. მისი თქმით, ეს საქმე სამოქალაქო სამართლებრივი დავის საგანია.
„ქალბატონ მაია რჩეულიშვილსაც და რუსუდან კერვალშვილსაც შეფარდებული ჰქონდა სამი მუხლი. ყველაზე მძიმე მუხლი, რომელიც განსაკუთრებით მძიმე კატეგორიას ეკუთვნის 194-ე მუხლი, რომელიც ითვალისწინება თავისუფლების აღკვეთას 12 წლამდე. სასამართლომ ამ ნაწილში უდანაშაულოდ ცნო ორივე. რაც შეეხება შემდეგ ნაწილებს, 180-ე და 182-ე მუხლში სცნო დამნაშავედ და ორივეს თავისუფლების აღკვეთა მიესაჯათ 4 წლის ვადით. რა თქმა უნდა, ჩვენ ამას გავასაჩივრებთ სააპელაციო ინსტანციაში.
კატეგორიულად არ ვეთანხმებით იმას, რომ თაღლითობასთან გვაქვს საქმე. ეს არის სამოქალაქო სამართლებრივი დავის საგანი. ეს არის სახელშეკურლებო ურთიერთობა ორ მხარეს შორის“,-აღნიშნა ადვოკატმა.
დღეს, თბილისის საქალაქო სასამართლომ ცენტრ პოინტის საქმის „ამხანაგობა თაბუკაშვილი 88“-ის ეპიზოდზე, რუსუდან კერვალშვილი და მაია რჩეულშვილი 2 ნაწილში - თაღლითობასა და თანხების მითვისებაში სცნო დამნაშავედ.
და მათ 4-4 წლით თავისუფლების აღკვეთა მიესაჯათ.
მონიკა დავლიანიძე