უკან

უახლესი ამბები

დღის კალენდარი

ანონსები

არქივი

პოლიტიკა

5 თებერვალი, 2018 14:20
font-size

არ ვიცი, პრეზიდენტი ვისთან თანამშრომლობით ფიქრობს შედეგის მიღებას - გია ხუხაშვილი

ექსპერტი პოლიტიკის საკითხებში გია ხუხაშვილი საქართველოს პრეზიდენტის, გიორგი მარგველაშვილის იმ განცხადებას ეხმაურება, რომლის მიხედვითაც, საპრეზიდენტო არჩევნებში ოპოზიციისთვის შეიძლება ძალიან საინტერესო იყოს.

ხუხაშვილის თქმით, პრეზიდენტისა და ოპოზიციური სპექტრიდან რომელიმესთან თანამშრომლობის პერსპექტივას ვერ ხედავს.

”ასეთი შეთავაზება თავისთავად კარგია, რადგან პრეზიდენტს აქვს გარკვეული რესურსი, თუმცა წმინდა პოლიტიკურად ამ პერსპექტივას სკეპტიკურად ვუყურებ. ოპოზიცია შედგება სამი ძირითადი ნაწილისგან. ერთი არის ”ნაციონალური მოძრაობის” ნამსხვრევები, რომელთან თანამშრომლობაც პრეზიდენტისთვის აბსოლუტურად გაუგებარი იქნება მისი წარსულიდან გამომდინარე. ”ნაციონალური მოძრაობის” ეს ორი ნაწილი ერთმანეთთანაც დაპირისპირებულები არიან. ოპოზიციის მეორე ნაწილი არის ე.წ. ნეიტრალიტეტის მომხრე ანუ დასავლური ვექტორის მიმართ სკეპტიკურად მაყურებელი ნაწილი და მათთან თანამშრომლობა პრეზიდენტის მხრიდან გაუგებარი იქნება და აქაც პერსპექტივას ვერ ვხედავ. მესამე ნაწილი ოპოზიციის არის ნულოვანი პარტიები, რომლებიც რაც უნდა შეკრიბო და დააჯგუფო, ნული 100-ზე რომ გაამრავლო, მაინც ნულია. მე არ ვიცი, პრეზიდენტი ვისთან თანამშრომლობით ფიქრობს შედეგის მიღებას. ეს გაუგებარია, რადგან ოპოზიცია ან არის დისკრედიტებული, ან არასწორი ორიენტირების მქონე, ან წარსული დანაშაულით დატვირთული, ან მუდმივად წაგებით აღბეჭდილი. მე არ მესმის პრეზიდენტის ეს ინიციატივა რა პოლიტიკური შედეგის მომტანი შეიძლება იყოს. პოლიტიკურ შედეგს ამ რიტორიკის უკან ვერ ვხედავ, რადგან ვერ ვხედავ იმ სეგმენტს, რომელმაც შესაძლოა პრეზიდენტს რაიმე პლუსი მოუტანოს, ან პირიქით, პრეზიდენტმა შესძინოს რაიმე”, - განაცხადა ხუხაშვილმა.

მისივე თქმით, ასევე წარმოუდგენელია მარგველაშვილი ერთიანი კანდიდატი იყოს.

”ოპოზიციაში ერთად რომ დავაჯგუფოთ „ნაციონალური მოძრაობა“ და „პატრიოტთა ალიანსი“, ეს შეუძლებელია. ეს სამი ნაწილი, რომელიც ვახსენე, არის შეუთავსებელი. ამ სამი ნაწილიდან ერთ-ერთი უნდა აირჩიოს პრეზიდენტმა, თუმცა ვერც ერთი ალიანსის პოლიტიკურ პერსპექტივას ვერ ვხედავ”, - განაცხადა ხუხაშვილმა.

ცნობისათვის, საქართველოს პრეზიდენტმა, გიორგი მარგველაშვილმა ჟურნალისტის კითხვას, გამორიცხავს თუ არა ქვეყნის პირველი პირი რომელიმე ოპოზიციურ პარტიასთან თანამშრომლობას, შემდეგნაირად უპასუხა:

,,ოპოზიციისთვის შეიძლება ძალიან საინტერესო პარტნიორი ვიყო, თუმცა არანაირი კონსულტაციები არ გამართულა.“

საქართველოსა და ჩრდილოეთ მაკედონიას შორის დიპლომატიური ურთიერთობა დამყარდა

16 თებერვალი, 2019 , 17:09

საქართველოსა და ჩრდილოეთ მაკედონიის რესპუბლიკას შორის დიპლომატიური და საკონსულო ურთიერთობების დამყარების შესახებ ოქმსსაქართველოს საგარეო საქმეთა მინისტრმა დავით ზალკალიანმა და ჩრდილოეთ მაკედონიის საგარეო უწყების ხელმძღვა

საქართველოს მონტენეგროს პრეზიდენტი ეწვევა

16 თებერვალი, 2019 , 14:20

საქართველოს მონტენეგროს პრეზიდენტი ეწვევა. მილო დუკანოვიჩმა პრემიერ-მინისტრ მამუკა ბახტაძის მიწვევა მიუნხენის უსაფრთხოების 55-ე კონფერენციის ფარგლებში დღეს გამართულ შეხვედრაზე მიიღო. მხარეებმა ისაუბრეს ორ ქვეყანას შორის

პროფესიული განათლების რეფორმის ფარგლებში საქართველოსთან თანამშრომლობა გაღრმავდება - გერმანიის ელჩი

16 თებერვალი, 2019 , 11:35

საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა, საქართველოში გერმანიის ელჩთან ჰუბერტ ქნირშთან და გერმანიის საერთაშორისო თანამშრომლობის საზოგადოების (GIZ) წარმომადგენლებთ

მამუკა ბახტაძე მიუნხენში საქართველოს ნატო-ში ინტეგრაციის საკითხებზე მრგვალ მაგიდას უმასპინძლებს

16 თებერვალი, 2019 , 10:15

მიუნხენის უსაფრთხოების კონფერენციის ფარგლებში, საქართველოს პრემიერ-მინისტრი მამუკა ბახტაძე საქართველოს ნატო-ში ინტეგრაციასთან დაკავშირებულ საკითხებზე მრგვალ მაგიდას უმასპინძლებს. პრემიერის პრესსამსახურის ინფორმაციით, ღონ

მამუკა ბახტაძე აღმოსავლეთ ევროპის უსაფრთხოებისადმი მიძღვნილ დისკუსიაში მიიღებს მონაწილეობას

16 თებერვალი, 2019 , 10:15

საქართველოს პრემიერ-მინისტრი მამუკა ბახტაძე მიუნხენის უსაფრთხოების 55-ე კონფერენციის ფარგლებში მონაწილეობას მიიღებს თემატურ დისკუსიაში, რომელიც აღმოსავლეთ ევროპაში უსაფრთხოების საკითხებს ეძღვნება. მამუკა ბახტაძესთან ერთა

საქართველოს აქვს ამბიციური გეგმები განათლების სექტორში - როს უილსონი

15 თებერვალი, 2019 , 16:40

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა და მინისტრის მოადგილემ ირინა აბულაძემ აშშ-ს ელჩის მოვალეობის შემსრულებელთან, როს უილსონთან ერთად განათლების სისტემის კომპლექსური რეფო