უკან

უახლესი ამბები

დღის კალენდარი

ანონსები

არქივი

სამართალი

24 იანვარი, 2017 17:20
font-size

არ ვიცოდი ჩემ სახელზე იბერია ტვ-ს წილი ფორმდებოდა - დავით კაკაურიძე

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე, დავით კაკაურიძე დაიკითხა, რომელზეც 2004 წლის დეკემბერში იბერია ტვ-ის 25%-იანი წილის გადაფორმება მოხდა.

როგორც მოწმემ დაკითხვისას აღნიშნა, 2004 წლის დეკემბერში მას დაუკავშირდა იმჟამინდელი მარეგულირებელი კომისიის თავმჯდომარე, დიმიტრი ქიტოშვილი და უთხრა, რომ მის სახელზე ,,რაღაც ფირმა’’ უნდა გადაფორმებულიყო. კაკაურიძის თქმით, ქიტოშვილთან 1988 წლიდან მეგობრობა აკავშირებდა და ზედმეტი შეკითხვების გარეშე მივიდა დათქმულ დროს სანოტარო ბიუროში გადაფორმებისთვის საჭირო დოკუმენტაციაზე ხელის მოსაწერად.

,,ნდობის ფაქტორი მოქმედებდა. არ ვიცოდი, რა ფირმის გადაფორმებას ეხებოდა საქმე. მივედი ნუნუ გინტურის სანოტარო ბიუროში, იქ უკვე გამზადებული იყო დოკუმენტები, რომლებსაც არ გავცნობივარ, ისე მოვაწერე ხელი და წამოვედი’’, -განაცხადა მოწმემ და აქვე აღნიშნა, რომ გადაფორმების პროცესის დროს სანოტარო ბიუროში დიმიტრი ქიტოშვილი არ იმყოფებოდა.

მისივე თქმით, იმის შესახებ, რომ საქმე ტელეკომპანის ,,იბერიის’’ წილს ეხებოდა, მხოლოდ წელიწადნახევრის შემდეგ შეიტყო, როდესაც მის სამუშაო ადგილზე, სასტუმროში ვარაზში ვინმე ვაჟა მივიდა და თავი გააცნო, როგორც იბერია ტვ-ის ტექნიკურმა დირექტორმა.

,,მისგან გავიგე, რაშიც იყო საქმე. მითხრა, ვიცი, რომ თანხა არ გადაგიხდია და ტელეკომპანია შენ არ გეკუთვნისო და მეც ვუთხარი, რომ გაურკვევლობაში ვიყავი. ორი კვირის შემდეგ სასტუმრო ,,ვარაზში’’, სადაც მარკეტინგის განყოფილებაში ვმუშაობდი, ჩემ სახელზე მოვიდა წერილი ტელეკომპანიასთან დაკავშირებით არსებულ საგადასახადო დავალიანების შესახებ. ამის შემდეგ დავუკავშირდი დიმიტრი ქიტოშვილს და კატეგორიულად მოვთხოვე, რომ მოეშორებინა ეს საქმე ჩემთვის და სხვა ვინმეზე გადაეფორმებინა ეს წილი. რამდენიმე თვეში დამიკავშირდა ქიტოშვილი და სანოტარო ბიუროში ლიცენზიის სხვა პირზე გადასაფორმებლად მისვლა მთხოვა. მივედი, მოვაწერე დოკუმენტაციას ხელი. იქ აღნიშნული არ ყოფილა თუ ვისზე ხდებოდა ჩემ მიერ წილის გადაფორმება’’, - განაცხადა დავით კაკაურიძემ.

როგორც დღევანდელი სხდომის დასრულების შემდეგ ჟურნალისტებს საქმის პროკურორმა, ემზარ გაგნიძემ განუცხადა, დავით კაკაურიძემ დაადასტურა, რომ იგი იყო ფიქტიური შემძენი ტელეკომპანია იბერია ტვ-ის ლიცენზიის.

,,მან დაადასტურა სასამართლოს წინაშე, რომ გახვეული იყო კონკრეტულ მაქინაციებში, რომელიც არ იყო მისთვის მისაღები. შესაბამისად, დაუკავშირდა დიმიტრი ქიტოშვილის, რომლის ნდობით აღჭურვილი პირიც იყო კონკრეტულად დავით კაკაურიძე და მოსთხოვა კატეგორიულად, რომ გადაფორმებულიყო სხვა პიროვნებაზე ტელეკომპანია იბერია ტვ-ის კუთვნილი ლიცენზია. შესაბამისად, მას შემდეგ, რაც გადაფორმდა სხვა პიროვნებაზე ტელეკომპანია იბერია ტვ-ს კუთვნილი ლიცენზია, დავით კაკაურიძეს აღნიშნულ თემასთან შეხება აღარ ჰქონია’’, - განაცხადა პროკურორმა.

თავის მხრივ, საქმეზე ერთ-ერთი ბრალდებულის ადვოკატმა, შოთა კახიძემ აღნიშნა, რომ ამ დრომდე სასამართლოს წინაშე დაკითხულ არცერთ მოწმეს თავისი ჩვენებით არ დაუდასტურებია მისი დაცვის ქვეშ მყოფის ბრალეულობა.

,,არცერთ დაკითხულ მოწმეს ზურაბ ადეიშვილის წინააღმდეგ არ მიუცია რაიმე მამხილებელი ჩვენება, რაც დასტურია იმისა, რომ მის მიმართ ხორციელდება პოლიტიკურად მოტივირებული სისხლის სამართლებრივი დევნა’’, - განაცხადა კახიძემ.

რაც შეეხება უშუალოდ დღევანდელი მოწმის ჩვენებას, ადვოკატმა ამ პროცესიდან ხაზი გაუსვა იმ მომენტს, რომ დავით კაკაურიძის ინფორმაციით, დიმიტრი ქიტოშვილის და თავდაცვის ყოფილ მინისტრს, ირაკლი ოქრუაშვილს ერთად ჰქონდათ გახსნილი საადვოკატო ბიურო და ისინი იყვნენ პარტნიორები.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

საქმეზე მომდევნო სხდომა 8 თებერვლის 13:00 საათისთვის ჩაინიშნა.

ნინო ექვთიმიშვილი

საკვანძო სიტყვები:

20 ივნისის საქმეზე დაკავებული ბესიკ თამლიანის საქმე ცალკე წარმოებად წარიმართება

27 თებერვალი, 2020 , 17:23

20 ივნისის საქმეზე დაკავებული პირების ზურაბ ბუდაღაშვილის, კახა კუპრეიშვილისა და ცოტნე სოსელიას საქმე ცალკე წარმოებად წარიმართებ. აღნიშნული ბრალდებულების საქმე ბესიკ თამლიანის საქმეს გამოეყო, ვინაიდან ის ბრალს არ აღიარებს

სასამართლოს გადაწყვეტილებით ``ანას ბაღში`` მშენებლობა შეჩერდა

27 თებერვალი, 2020 , 14:35

სასამართლომ საქმის განხილვის დასრულებამდე „ანას ბაღთან“ კორპუსის მშენებლობის შეჩერებაზე განაჩენი გამოიტანა. ამის შესახებ სოციალურ ქსელში, საორგანიზაციო ჯგუფი წერს. ''ჩვენი სასარჩრლო მოთხოვნა სასამართლომ დააკმ

დედისა და ბებიის მკვლელობის ბრალდებით დაკავებულ 19 წლის ბიჭს პატიმრობა შეეფარდა

27 თებერვალი, 2020 , 13:10

ბებიისა და დედის მკვლელობაში ბრალდებულ19 წლის მიხეილ ზაუტაშვილს საქალაქო სასამართლომ აღკვეთის ღონისძიებად პატიმრობა შეუფარდა. გადაწყვეტილება მოსამართლე გიორგი კერატიშვილმა გამოაცხადა. დღევანდელ სასამართლო პროცესზე ბრალდე

„ვაჭრობაში ანტიდემპინგური ღონისძიების შემოღების შესახებ“ კანონპროექტზე პირველი მოსმენით მსჯელობა იწყება

27 თებერვალი, 2020 , 11:10

„ვაჭრობაში ანტიდემპინგური ღონისძიების შემოღების შესახებ“ კანონპროექტზე დღეს პირველი მოსმენით დაიწყება მსჯელობა საფინანსო-საბიუჯეტო კომიტეტის სხდომაზე. მთავრობის ინიციატივით წარდგენილი პროექტის მიზანი ადგილობრ

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით პატიმრობა მიესაჯა

26 თებერვალი, 2020 , 12:40

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით თავისუფლების აღკვეთა მიესაჯა. თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებუ

პოლიციამ მოპედის ქურდობის ბრალდებით ერთი პირი დააკავა

26 თებერვალი, 2020 , 11:50

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1991 წელს დაბადებული, წარსულში ნასამართლევი თ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`