კომენტარი

არ ვთვლი, რომ მიმდინარე პროცესში, მოკლევადიან პერიოდში ეროვნული ბანკი უნდა ჩაერიოს - გიორგი კაკაურიძე

ფრინანსთა მინისტრის მოადგილის, გიორგი კაკაურიძის თქმით, მთავრობის ეკონომიკური პოლიტიკა ხელს შეუწყობს ქვეყანას მიიღოს უფრო მაღალი ეკონომიკური ზრდა.

„მთავრობის ეკონომიკური პოლიტიკა შეაფასა საერთაშორისო სარეიტინგო კომპანიებმა, საერთაშორისო სავალუტო ფონდმა და ყველას ანგარიშში არის ნახსენები, რომ მთავრობას აქვს სწორი ეკონომიკური პოლიტიკა და მთავრობის ეკონომიკური პოლიტიკა ხელს შეუწყობს ქვეყანას მიიღოს უფრო მაღალი ეკონომიკური ზრდა“,-აღნიშნა კაკაურიძემ.

რაც შეეხება ბოლო პერიოდში ლარის მკვეთრ გაუფასურებას და უნდა ჩაერიოს თუ არა მოკლევადიან პერსპექტივაში პროცესში ეროვნული ბანკი, მინისტრის მოადგილე აღნიშნავს, რომ ეროვნული ბანკი პროცესებს უკეთესად ხედავს და შესაბამის გადაწყვეტილებას სიტუაციიდან გამომდინარე იღებს.

„ეროვნული ბანკი უკეთესად ხედავს პროცესებს, აქვს უფრო მეტი ინფორმაცია და შესაბამის გადაწყვეტილებებს იღებს კონკრეტული სიტუაციიდან გამომდინარე. მე ნამდვილად ვერ მივცემ რჩევას ეროვნულ ბანკს როდის, რა ინსტრუმენტით უნდა იმოქმედოს. ეროვნულ ბანკს აქვს ინსტრუმენტები, მათ შორის ეს არის რეფინანსირების განაკვეთი, ინტერვენციის საშუალება. დღეის მდგომარეობით, არ ვფიქრობ, რომ მოკლევადიან პერიოდში პროცესში ეროვნული ბანკის ჩარევა იყოს საჭირო“,-აღნიშნა მინისტრის მოადგილემ.

27 ოქტომბერს, ეროვნული ბანკის მიერ დაწესებული ეროვნული ვალუტის ოფიციალური გაცვლითი კურსი დოლართან მიმართებაში 2.5612 ლარი შეადგინა.

დღეს, კი ეროვნულ ბანკს ახალი სავალუტო კურსი ჯეროჯერობით არ დაუდგენია.

მონიკა დავლიანიძე