უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
არაა მართებული, რომ გადაუნაწილებელი მანდატები მხოლოდ არჩევნებში გამარჯვებული პარტიის ჯიბეში გადავიდეს - ვახუშტი მენაბდე
კონსტიტუციონალისტი ვახუშტი მენაბდის თქმით, უმრავლესობის ინიციატივა იმაზე, რომ პროპორციულ საარჩევნო სისტემაზე გადასვლისას გადაუნაწილებელი მანდატები არჩევნებში გამარჯვებულ პარტიაში გადავა, შესწორებას საჭიროებს.
მენაბდის თქმით, საჭიროა ისეთი მოდელის მიღება, სადაც პარლამენტში მიღებული მანდატების რაოდენობა ლოგიკურად ასახავს არჩევნებში მიღებულ ხმათა რაოდენობას.
„აქ არის რამდენიმე ტექნიკური საკითხი, რომლებიც, საბოლოო ჯამში, არცთუ ისე უმნიშვნელო გავლენას ახდენს არჩევნების საბოლოო შედეგებსა და ძალთა გადანაწილებაზე. ერთ-ერთი მათგანი მანდატების გადანაწილებაა. უმრავლესობის ინიციატივა მე არ აღმიქვამს მაინცდამაინც ულტიმატუმად, აქ ცხარე დისკუსია გაიმართა ამ საკითხზე, მე კი მგონია, რომ შემოთავაზებული ფორმულა, რომელშიც გადაუნაწილებელი მანდატები გადადის არჩევნებში გამარჯვებული პარტიის ჯიბეში, არ არის მართებული და საჭიროა ამ პრინციპის შერბილება იმისათვის, რომ არ მივიღოთ ვითარება, რომ მნიშვნელოვანი არაპროპორციულობა დადგეს მიღებულ მხარდაჭერასა და მანდატებს შორის“, - განაცხადა მენაბდემ „ქრონიკასთან“ ინტერვიუში.
შეგახსენებთ, რომ დღეს მიმდინარეობს სახელმწიფო საკონსტიტუციო კომისიის გაერთიანებული სხდომა, სადაც მაჟორიტარული საარჩევნო სისტემის სავარაუდო გაუქმების გარდა მსჯელობენ საპარლამენტო რესპუბლიკის მოდელზე გადასვლასა და პარლამენტის ადგილმდებარეობის შესაძლო შეცვლაზე.
ანა მებურიშვილი